OTT | ఓటీటీలోకి అర్జున్ కూతురి రొమాంటిక్ మూవీ – స్ట్రీమింగ్ ఎందులో…ఎప్పుడంటే?

OTT |సీనియ‌ర్ హీరో అర్జున్ యాక్ష‌న్ సినిమాల‌తో తెలుగులో ఎన్నో విజ‌యాల‌ను అందుకున్నారు. హీరోగానే కాకుండా విల‌న్‌గా కూడా కొన్ని సినిమాల్లో న‌టించి వైవిధ్య‌త‌ను చాటుకున్నాడు. లాంగ్ గ్యాప్ త‌ర్వాత మెగాఫోన్ ప‌ట్టిన అర్జున్ ఇటీవ‌లే సీతాప‌య‌నం పేరుతో ఓ మూవీని తెర‌కెక్కించాడు.

టాలీవుడ్‌లోకి ఎంట్రీ...

రొమాంటిక్ డ్రామాగా తెర‌కెక్కిన ఈ సినిమాతో అర్జున్ కూతురు ఐశ్వ‌ర్య అర్జున్ హీరోయిన్‌గా టాలీవుడ్‌లోకి ఎంట్రీ ఇచ్చింది. నిరంజ‌న్ హీరోగా న‌టించిన ఈ మూవీలో అర్జున్ తో పాటు స‌త్య‌రాజ్‌, ప్ర‌కాష్ రాజ్ కీల‌క పాత్ర‌ల్లో న‌టించారు. ఇటీవలే థియేట‌ర్ల‌లో రిలీజైన ఈ మూవీ మిక్స్‌డ్ టాక్‌ను సొంతం చేసుకుంది.

స‌న్ నెక్స్ట్ ఓటీటీలో...

తాజాగా సీతాప‌య‌నం మూవీ ఓటీటీలోకి రాబోతుంది. మార్చి 20 నుంచి స‌న్ నెక్స్ట్ ఓటీటీలో ఈ మూవీ స్ట్రీమింగ్ కానున్న‌ట్లు స‌మాచారం. మ‌రో ఒక‌టి రెండు రోజుల్లో ఓటీటీ ప్లాట్‌ఫామ్ నుంచి అఫీషియ‌ల్ అనౌన్స్‌మెంట్ రానున్న‌ట్లు చెబుతున్నారు.

విశ్వ‌క్‌సేన్‌తో అనుకొని...

సీతాప‌య‌నం మూవీకి అనూప్‌ రూబెన్స్ మ్యూజిక్ అందించాడు. తొలుత ఈ సినిమాను విశ్వ‌క్‌సేన్‌తో చేయాల‌ని అనుకున్నారు అర్జున్‌. అధికారికంగా ప్ర‌క‌టించారు. షూటింగ్ మొద‌లుకాక‌ముందే అర్జున్‌, విశ్వ‌క్‌సేన్ మ‌ధ్య విభేదాలు నెల‌కొన‌డంతో సినిమా ఆగిపోయింది. విశ్వ‌క్‌సేన్ స్థానంలో నిరంజ‌న్‌ను హీరోగా తీసుకొని సీతాప‌య‌నం మూవీని తెర‌కెక్కించాడు.

అభి, సీత జ‌ర్నీ...

సీత చెఫ్. చిన్నప్పుడే తల్లిని కోల్పోయిన సీతను తండ్రి రాజేంద్రప్రసాద్ కష్టపడి పెంచి పెద్దచేస్తాడు. ఓ ప‌నిమీద హైద‌రాబాద్ బ‌య‌లుదేరుతుంది. మ‌ధ్య‌లో కారు చెడిపోవ‌డంతో ఆమెకు అభి (నిరంజ‌న్‌) అనే యువ‌కుడు లిఫ్ట్ ఇస్తాడు. ఈ జ‌ర్నీలో ఏం జ‌రిగింది. దారిలో వారికి ఎదురైన వ్య‌క్తులు ఎవ‌రు అన్న‌దే ఈ మూవీ క‌థ‌.