Sai Pallavi | పెళ్లికి ముందే రొమాన్స్ – మ‌ణిర‌త్నం సినిమాను రిజెక్ట్ చేసిన సాయిప‌ల్ల‌వి

Sai Pallavi |  హీరోయిన్లు అంటే అందంగా ఉండాలి, స్క్రీన్‌పై గ్లామ‌ర్‌ను ఒల‌క‌బోయాల‌నే రూల్‌ను తిర‌గ‌రాసింది సాయిప‌ల్ల‌వి. అందాల ప్ర‌ద‌ర్శ‌న చేయ‌కుండా కూడా నంబ‌ర్ వ‌న్ ప్లేస్‌కు చేరుకోవ‌చ్చ‌ని నిరూపించింది. చాలా మంది యంగ్ హీరోయిన్ల‌కు స్ఫూర్తిగా నిలిచింది. కెరీర్ ఆరంభం నుంచి సినిమాల ఎంపిక‌లో కొన్ని రూల్స్ ఫాలో అవుతోంది సాయిప‌ల్ల‌వి. గ్లామ‌ర్, రొమాన్స్ ప‌రంగా లిమిట్స్ పెట్టుకుంది. ఆ హ‌ద్దులు దాటిన చాలా సినిమాల‌ను రిజెక్ట్ చేసింది. సాయిప‌ల్ల‌వి వ‌దులుకున్న సినిమాల్లో మ‌ణిర‌త్నం లాంటి ద‌ర్శ‌కులు ఉన్నార‌ట‌. మ‌రికొన్ని సినిమాలు సూప‌ర్ హిట్టు అయ్యాయ‌ట‌. అయినా ఆ పాత్ర‌ల విష‌యంలో సాయిప‌ల్ల‌వికి ఎలాంటి రిగ్రేట్స్ లేవ‌ట‌.

క్యారెక్ట‌ర్ న‌చ్చింది కానీ....

సాయిప‌ల్ల‌వి గురించి కోలీవుడ్ డైరెక్ట‌ర్ ర‌త్న‌కుమార్ ఇటీవ‌ల 29 మూవీ ప్ర‌మోష‌న్స్‌లో చేసిన కామెంట్స్ వైర‌ల్ అవుతోన్నాయి. తాను ద‌ర్శ‌క‌త్వం వ‌హించిన మీయాద‌మ‌న్ సినిమాలో హీరోయిన్‌గా తొలుత సాయిప‌ల్ల‌వి అప్రోచ్ అయిన‌ట్లు ర‌త్న‌కుమార్ చెప్పారు. నేను చెప్పిన క‌థ సాయిప‌ల్ల‌వికి చాలా న‌చ్చింది. కానీ అందులో క‌థాప‌రంగా పెళ్లికి ముందే హీరోహీరోయిన్ల మ‌ధ్య కొన్ని రొమాంటిక్ సీన్స్ ఉంటాయి. వాటి విష‌యంలో మాత్రం అభ్యంత‌రం చెప్పింది. అలాంటి సీన్లు చేయ‌డం త‌న‌కు ఇష్టం ఉండ‌ద‌ని మీయాద‌మ‌న్ సినిమాను సాయిప‌ల్ల‌వి రిజెక్ట్ చేసింద‌ని ర‌త్న‌కుమార్ అన్నారు. సాయిప‌ల్ల‌వి ప్లేస్‌లో ప్రియా భ‌వానీ శంక‌ర్‌ను హీరోయిన్‌గా తీసుకున్నామ‌ని చెప్పారు. సినిమా పెద్ద హిట్ట‌య్యింద‌ని చెప్పారు.

మ‌ణిర‌త్నం సినిమాలో...

సాయిప‌ల్ల‌వి వ‌దులుకున్న సినిమాల్లో మ‌ణిర‌త్నం సినిమా కూడా ఉంద‌ట‌. కాట్రువెలియిదై (తెలుగులో చెలియా) హీరోయిన్‌గా సాయిప‌ల్ల‌విని తీసుకోవాల‌ని మ‌ణిర‌త్నం అనుకున్నార‌ట‌. కానీ పెళ్లి కాకుండానే త‌ల్లిగా మారే క్యారెక్ట‌ర్ కావ‌డం ఆ ఆఫ‌ర్‌ను సాయిప‌ల్ల‌వి వ‌దులుకుంద‌ట‌. అప్పుడు మ‌ణిర‌త్నం సినిమాను రిజెక్ట్ చేసిన సాయిప‌ల్ల‌వి ఇటీవ‌లే ఈ దిగ్గ‌జ ద‌ర్శ‌కుడితో ఓ మూవీకి గ్రీన్‌సిగ్న‌ల్ ఇచ్చింది.

బాలీవుడ్ మూవీస్‌...

ఈ ఏడాది సాయిప‌ల్ల‌వి బాలీవుడ్‌లోకి ఎంట్రీ ఇస్తోంది. ఏక్ దిన్‌తో పాటు రామాయ‌ణ సినిమాలు చేస్తోంది. ఆమిర్ ఖాన్ కొడుకు జునైద్ ఖాన్ హీరోగా న‌టిస్తోన్న ఏక్ దిన్ మే 1న థియేట‌ర్ల‌లోకి రాబోతుంది. రామాయ‌ణ మూవీ దీపావ‌ళికి థియేట‌ర్ల‌లోకి రానుంది.