Rakul Preet Singh | అలాంటి సినిమా కోసం వెయిటింగ్ – టాలీవుడ్‌ రీఎంట్రీపై ర‌కుల్ కామెంట్స్‌

Rakul Preet Singh | ర‌కుల్ ప్రీత్ సింగ్ ఒక‌ప్పుడు టాలీవుడ్‌లో (Tollywood)టాప్ హీరోయిన్‌గా కొన‌సాగింది. ఎన్టీఆర్‌(Ntr), రామ్‌చ‌ర‌ణ్‌(RamCharan), అల్లు అర్జున్ వంటి స్టార్ హీరోలంద‌రితో సినిమాలు చేసింది. యాక్టింగ్ ప‌రంగా అంత‌గా ఆక‌ట్టుకోక‌పోయినా గ్లామ‌ర్‌తో చాలా ఏళ్లు పాటు టాలీవుడ్‌ను ఏలింది. కొత్త హీరోయిన్ల పోటీతో పాటు ప‌రాజ‌యాలు ర‌కుల్ జోరుకు బ్రేకులు వేశాయి. ఈ అమ్మ‌డు తెలుగు ప్రేక్ష‌కుల ముందుకొచ్చి నాలుగేళ్లు దాటిపోయింది. చివ‌ర‌గా మెగా హీరో వైష్ణ‌వ్‌తేజ్‌తో క‌లిసి కొండ‌పొలం సినిమా చేసింది. క్రిష్ ద‌ర్శ‌క‌త్వంలో రూపొందిన ఈ మూవీ త‌ర్వాత తెలుగులో ర‌కుల్‌కు ఒక్క అవ‌కాశం రాలేదు. దాంతో బాలీవుడ్‌కు షిప్ట‌యిపోయింది. నిర్మాత జాకీ భ‌గ్నానీని పెళ్లిచేసుకున్న ర‌కుల్ ఓ వైపు ఫ్యామిలీ లైఫ్‌ను బ్యాలెన్స్ చేసుకుంటూనే సినిమాలు చేస్తోంది. బాలీవుడ్‌లో ఆశించిన స్థాయిలో ర‌కుల్ కెరీర్ సాఫీగా సాగ‌డం లేదు.ఇటీవ‌లే రిలీజైన దే దే ప్యార్ దే 2 పై బోలెడు ఆశ‌లు పెట్టుకుంది. కానీ ఈ సినిమా కూడా డిజాస్ట‌ర్‌గా నిలిచింది.

రీఎంట్రీ ఎప్పుడంటే?

తెలుగులోకి రీఎంట్రీ ఇచ్చే ప్ర‌య‌త్నాల్లో ఉన్న ర‌కుల్ ప్రీత్‌సింగ్ తాజాగా హైద‌రాబాద్‌లో జ‌రిగిన ఓ ప్ర‌మోష‌న‌ల్ ఈవెంట్‌లో ర‌కుల్ పాల్గొన్న‌ది.ఈ సంద‌ర్భంగా టాలీవుడ్ రీఎంట్రీపై ఆస‌క్తిక‌ర కామెంట్స్ చేసింది. తెలుగులో బాహుబ‌లి లాంటి సినిమా చేయాల‌నుంది. అదే నా డ్రీమ్ రోల్‌. అలాంటి సినిమా కోసం చాలా రోజులుగా ఎదురుచూస్తున్నా అంటూ చెప్పింది. అంతే కాకుండా తెలుగులో కొన్ని క‌థ‌లు వింటున్నాన‌ని అన్న‌ది. ఇన్‌డైరెక్ట్‌గా టాలీవుడ్‌లోకి రీఎంట్రీ ఇవ్వ‌డానికి తాను రెడీ అని చెప్ప‌క‌నే ర‌కుల్ చెప్పింద‌ని నెటిజ‌న్లు అంటున్నారు. కొన్నాళ్లుగా ర‌కుల్ హైద‌రాబాద్‌లోనే ఉంటున్న‌ట్లు చెబుతున్నారు. తెలుగులో సినిమా చేసేందుకు ర‌కుల్ గ‌ట్టిగానే ప్ర‌య‌త్నాలు చేస్తుంద‌టా. దాదాపు ఓ ఆఫ‌ర్ ఫైన‌లైజ్ అయ్యే అవ‌కాశం ఉన్న‌ట్లు ప్ర‌చారం జ‌రుగుతోంది.
ప్ర‌స్తుతం టాలీవుడ్‌లో సీనియ‌ర్ హీరోల‌కు జోడీగా క‌థానాయిక‌లు దొర‌క‌డం క‌ష్టంగానే మారింది. వెంక‌టేష్‌, చిరంజీవి, బాల‌కృష్ణ‌, నాగార్జున తో పాటు మ‌రికొంద‌రు హీరోల సినిమాల్లో నాయిక‌ల‌ను సెలెక్ట్ చేయ‌డం ద‌ర్శ‌కుల‌కు స‌వాల్‌గా మారింది. ఆ హీరోల సినిమాల‌కు ర‌కుల్ మంచి ఛాయిస్ అవుతుంద‌ని కొంద‌రు నెటిజ‌న్లు చెబుతున్నారు. అందులోనూ తెలుగు సినిమాలు చేసిన అనుభ‌వం కూడా చాలానే ఉంది. అయినా చాలా మంది ద‌ర్శ‌కులు ర‌కుల్ పేరును క‌నీసం ప‌రిశీల‌న‌లోకి తీసుకోక‌పోవ‌డం ఆస‌క్తిని రేకెత్తిస్తోంది. గ‌త ట్రాక్ రికార్డ్ ఆమెకు మైన‌స్‌గా మారింద‌నే కామెంట్స్ వినిపిస్తున్నాయి.
కాగా ప్ర‌స్తుతం హిందీలో ప‌తి ప‌త్నీ ఔర్ వో దో సినిమా చేస్తోంది ర‌కుల్ ప్రీత్‌సింగ్‌. అలాగే త‌మిళంలో ఇండియ‌న్ 3 రిలీజ్‌కు సిద్ధంగా ఉంది.