Multiplex Hyderabad | హైద‌రాబాద్‌లో మ‌రో కొత్త మ‌ల్టీప్లెక్స్ – తొమ్మిది స్క్రీన్ల‌తో లాంఛ్‌

Multiplex Hyderabad |  సినీ ల‌వ‌ర్స్ కోసం హైద‌రాబాద్‌లో మ‌రో కొత్త మ‌ల్టీప్లెక్స్ థియేట‌ర్ అందుబాటులోకి వ‌చ్చింది. పీసీఎక్స్‌, డాల్మీ అట్మాస్ వంటి స‌రికొత్త సాంకేతిక‌త‌తో తొమ్మిది స్క్రీన్ల‌తో హైద‌రాబాద్ లేక్‌షోర్ మాల్‌లో ఈ మ‌ల్లీప్లెక్స్ థియేట‌ర్‌ను పీవీఆర్ ఐనాక్స్ ప్రారంభించింది. మొత్తం 1476 సీటింగ్ కెపాసిటీ ఈ మ‌ల్టీప్లెక్స్‌ ఉంటుంద‌ని పీవీఆర్ ఐనాక్స్ ప్ర‌క‌టించింది. 4కే లేజ‌ర్‌, డాల్బీ అట్మాస్ సౌండ్‌, రియ‌ల్ త్రీడీ వంటి ఆధునిక హంగుల‌న్నీ ఈ మ‌ల్టీప్లెక్స్‌లో ఉంటాయ‌ని వెల్ల‌డించింది. డీటీఎస్ ఎక్స్ సౌండ్ సిస్ట‌మ్‌ను కూడా కొత్త‌గా ప్ర‌వేశ‌పెట్టారు. ఇందులోని లార్జ్ ఫార్మెట్ స్క్రీన్ ఆడియెన్స్ కు గ్రేట్‌ థియేట్రిక‌ల్ ఎక్స్‌పీరియ‌న్స్‌ను అందించ‌బోతుందట. పీఎక్స్ఎల్ స్క్రీన్‌తో హైద‌రాబాద్‌లో మొద‌లైన సెకండ్ మ‌ల్టీప్లెక్స్ ఇదే కావ‌డం గ‌మ‌నార్హం. జెన్‌జీ తో పాటు ఫ్యామిలీ ఆడియెన్స్ అభిరుచుల‌కు అనుగుణంగా ఈ మ‌ల్టీప్లెక్స్‌లో అన్ని మౌళిక స‌దుపాయాలు ఉంటాయ‌ని ఐనాక్స్ వ‌ర్గాలు వెల్ల‌డించాయి. లేక్‌షోర్ మౌల్‌తో మొద‌లైన థియేట‌ర్ల‌తో హైద‌రాబాద్‌లో ఐనాక్స్ మ‌ల్టీప్లెక్స్‌ల సంఖ్య 18, మొత్తం స్క్రీన్ల సంఖ్య 111 కు చేరింది.