Nayanthara | అఫీషియ‌ల్ – అప్పుడు షారుఖ్ …ఇప్పుడు స‌ల్మాన్ – బాలీవుడ్‌లో న‌య‌న్‌కు మ‌రో క్రేజీ ఛాన్స్

Nayanthara | షారుఖ్‌ఖాన్ జ‌వాన్ మూవీతో బాలీవుడ్‌లోకి ఎంట్రీ ఇచ్చిన న‌య‌న్ తాజాగా మ‌రో క్రేజీ ఆఫ‌ర్‌ను అందుకుంది. నెక్స్ట్ సినిమాను బాలీవుడ్ భాయ్‌జాన్ స‌ల్మాన్‌ఖాన్‌తో చేయ‌బోతుంది. స‌ల్మాన్ ఖాన్ హీరోగా టాలీవుడ్ డైరెక్ట‌ర్ వంశీపైడిప‌ల్లి ద‌ర్శ‌క‌త్వంలో హై ఇంటెన్స్ యాక్ష‌న్ మూవీ రాబోతుంది. సోమ‌వారం ఈ సినిమాను అనౌన్స్‌చేశారు.ఈ పాన్ ఇండియ‌న్ మూవీని దిల్‌రాజు నిర్మించ‌బోతున్నారు.

రూమ‌ర్ల‌ను నిజం చేస్తూ...

ఏప్రిల్ నుంచి ఈ బాలీవుడ్ మూవీ షూటింగ్ ప్రారంభం కాబోతుంది. కాగా ఈ సినిమాలో స‌ల్మాన్‌ఖాన్‌కు జోడీగా న‌య‌న‌తార న‌టించ‌బోతున్న‌ట్లు గ‌త కొద్ది రోజులుగా ప్ర‌చారం జ‌రుగుతోంది. ఈ రూమ‌ర్ల‌ను నిజం చేస్తూ హీరోయిన్‌గా న‌య‌న‌తార పేరును అఫీషియ‌ల్‌గా మంగ‌ళ‌వారం ప్ర‌క‌టించారు. ఈ యాక్ష‌న్ మూవీలో స‌ల్మాన్‌ఖాన్‌కు ధీటుగా న‌య‌న‌తార రోల్ ప‌వ‌ర్‌ఫుల్‌గా ఉంటుంద‌ని అన్నారు. స‌ల్మాన్‌, న‌య‌న్ జోడీ ఆక‌ట్టుకుంటుంద‌ని, వారిద్ద‌రి కెమిస్ట్రీ స‌రికొత్త‌గా ఉంటుంద‌ని మేక‌ర్స్ పేర్కొన్నారు.

సెకండ్ బాలీవుడ్ మూవీ...

షారుఖ్‌ఖాన్ జ‌వాన్ త‌ర్వాత న‌య‌న‌తార చేస్తోన్న సెకండ్ బాలీవుడ్ మూవీ ఇది. అట్లీ ద‌ర్శ‌క‌త్వంలో రూపొందిన జ‌వాన్ బిగ్గెస్ట్ బ్లాక్‌బ‌స్ట‌ర్‌గా నిలిచింది. 1100 కోట్ల‌కుపైగా వ‌సూళ్ల‌ను ద‌క్కించుకుంది. జ‌వాన్ బ్లాక్‌బ‌స్ట‌ర్‌తో బాలీవుడ్‌లో న‌య‌న్‌కు చాలానే అవ‌కాశాలు వ‌చ్చాయి. వాట‌న్నింటిని కాద‌ని స‌ల్మాన్ ఖాన్ సినిమాకు గ్రీన్‌సిగ్న‌ల్ ఇవ్వ‌డం ఆస‌క్తిక‌రంగా మారింది. ఏప్రిల్‌లో ప్రారంభ‌మ‌య్యే ఫ‌స్ట్ షెడ్యూల్‌లో స‌ల్మాన్‌ఖాన్‌తో పాటు న‌య‌న‌తార కూడా పాల్గొన‌నున్న‌ట్లు చెబుతోన్నారు.

మ‌న శంక‌ర్ వ‌ర‌ప్ర‌సాద్‌గారు...

ఇటీవ‌లే మ‌న శంక‌ర వ‌ర‌ప్ర‌సాద్‌గారుతో తెలుగులో బిగ్గెస్ట్ హిట్‌ను అందుకుంది న‌య‌న‌తార‌. చిరంజీవి హీరోగా అనిల్ రావిపూడి ద‌ర్శ‌క‌త్వంలో రూపొందిన ఈ మూవీ 300 కోట్ల‌కుపైగా వ‌సూళ్ల‌ను ద‌క్కించుకుంది. మ‌న శంక‌ర వ‌ర‌ప్ర‌సాద్‌గారు త‌ర్వాత టాలీవుడ్‌లో బాల‌కృష్ణ‌తో ఓ సినిమా చేయ‌బోతుంది. గోపీచంద్ మ‌లినేని డైరెక్ష‌న్‌లో రూపొందుతోన్న ఈ మూవీ షూటింగ్ త్వ‌ర‌లోనే ప్రారంభం కానుంది. న‌య‌న్ హీరోయిన్‌గా న‌టించిన క‌న్న‌డ మూవీ టాక్సీక్ జూన్ ఫ‌స్ట్ వీక్‌లో థియేట‌ర్ల‌లోకి రాబోతుంది.