Telangana | తెలంగాణ క‌థ‌తో మంచు మ‌నోజ్ మైథాల‌జీ మూవీ – డైరెక్ట‌ర్‌గా పూరి జ‌గ‌న్నాథ్ శిష్యుడు

Telangana |  ప్ర‌స్తుతం టాలీవుడ్‌లో తెలంగాణ సినిమాల ట్రెండ్ న‌డుస్తోంది. తెలంగాణ క‌థ‌ల‌తో ఇటీవ‌లే ప్రేక్ష‌కుల ముందుకొచ్చిన క్రేజీ క‌ళ్యాణం, ప్యార‌డైజ్ సినిమాలు ప్రేక్ష‌కుల‌ను మెప్పించాయి. తాజాగా ఈ బ్యాక్‌డ్రాప్‌లో మ‌రో సినిమా రాబోతుంది. ద‌స‌రాను పుర‌స్క‌రించుకొని ఈ సినిమా హీరోతో పాటు డైరెక్ట‌ర్‌, బ్యాన‌ర్‌ను రివీల్ చేశారు.

మంచు మ‌నోజ్ క‌థానాయ‌కుడిగా న‌టిస్తోన్న ఈ సినిమాతో ఏ శ్రీధ‌ర్ టాలీవుడ్‌లోకి ఎంట్రీ ఇవ్వ‌బోతున్నాడు. ప్రేమ‌క‌థా చిత్ర‌మ్‌, జ‌క్క‌న్న వంటి సినిమాల‌ను నిర్మించిన అక్షిత్ రెడ్డి, సుద‌ర్శ‌న్ రెడ్డి ఆర్‌పీఏ ప్రొడ‌క్ష‌న్ బ్యాన‌ర్‌పై ఈ సినిమాను నిర్మిస్తున్నారు.

పోతురాజుల క‌థ‌తో...

తెలంగాణ సంస్కృతి, సంప్రదాయాలు, పోతరాజు నేపథ్యంలో డివైన్ యాక్షన్ థ్రిల్లర్‌గా ఈ మూవీ రూపొందుతోంది. పూరి జగన్నాథ్ వద్ద స‌హాయ ద‌ర్శ‌కుడిగా పనిచేసిన ఏ. శ్రీధర్ డిఫ‌రెంట్ పాయింట్‌తో ఈ క‌థ‌ను సిద్ధం చేశారు. ఈ సినిమాతోనే శ్రీధ‌ర్ డైరెక్ట‌ర్‌గా టాలీవుడ్‌లోకి ఎంట్రీ ఇవ్వ‌బోతున్నాడు. మునుపెన్న‌డూ చూడ‌ని లుక్‌, క్యారెక్ట‌రైజేష‌న్‌తో మంచు మ‌నోజ్ పాత్ర స‌రికొత్త‌గా ఉంటుంద‌ని మేక‌ర్స్ తెలిపారు.

తెలంగాణ పండుగ‌లు...

పోతరాజు నేపథ్యంలో భ‌క్తి, యాక్షన్ సన్నివేశాల క‌ల‌బోత‌గా ఈ సినిమా ఉంటుంది. తెలంగాణ పండుగల వైభవం, సంప్రదాయాల రియ‌లిస్టిక్‌గా ఈ సినిమాలో చూపించ‌బోతున్నామ‌ని మేక‌ర్స్ వెల్ల‌డించారు. ఈ సినిమా టైటిల్, ఇతర నటీనటులు, సాంకేతిక నిపుణులు, షూటింగ్ వివ‌రాల‌ను త్వ‌ర‌లో వెల్ల‌డిస్తామ‌ని అన్నారు.

సెకండ్ ఇన్నింగ్స్‌....

మిరాయ్ సినిమాతో సెకండ్ ఇన్నింగ్స్ మొద‌లుపెట్టిన మంచు మ‌నోజ్ ప్ర‌స్తుతం హీరోగా వ‌డ్డీకాసుల‌వాడ‌, డేవిడ్ రోడ్డితో పాటు మ‌రో రెండు సినిమాలు చేస్తున్నాడు.