Malayalam OTT | ఒకే రోజు ఒకే ఓటీటీలో రిలీజైన మూడు మ‌ల‌యాళ సినిమాలు

Malayalam OTT |  డిఫ‌రెంట్ కాన్సెప్ట్‌ల‌తో రూపొందిన మూడు మ‌ల‌యాళం సినిమాలు ఒకే రోజు.. ఒకే ఓటీటీలో రిలీజ‌య్యాయి. సూప‌ర్ జిమ్నీతో పాటు నాల్ప‌త్తుక‌లితే ప్ర‌ణ‌యం, త‌ల సినిమాలు సోమ‌వారం ఓటీటీలోకి వ‌చ్చాయి. మ‌నోర‌మా మ్యాక్స్‌లో స్ట్రీమింగ్ అవుతోన్నాయి.

సూప‌ర్ జిమ్నీ...

లేడీ ఓరియెంటెడ్ కామెడీ డ్రామాగా రూపొందిన జూప‌ర్ జిమ్నీ సినిమాకు అను పురుషోత్ ద‌ర్శ‌క‌త్వం వ‌హించాడు. మీనాక్షి అనూప్ లీడ్ రోల్‌లో న‌టించింది. ఈ ఏడాది జ‌న‌వ‌రిలో రిలీజైన థియేట‌ర్ల‌లో రిలీజైన ఈ సినిమా ప్రేక్ష‌కుల‌ను మెప్పించ‌లేక‌పోయింది. డ్ర‌గ్ మాఫియాతో పాటు అవినీతిపై వీనా అనే యువ‌తి ఎలాంటి పోరాటం సాగించింద‌నే పాయింట్‌తో ద‌ర్శ‌కుడు ఈ సినిమాను తెర‌కెక్కించారు.

నాల్ప‌త్తుక‌లితే ప్ర‌య‌ణం...

ఓ రైట‌ర్‌కు , ప‌బ్లిష‌ర్‌కు మ‌ధ్య సాగే ప్రేమ‌క‌థ‌తో తెర‌కెక్కిన ఈ సినిమాలో జెర్నీ జాన్‌, ఆశా వీ నాయ‌ర్ హీరోహీరోయిన్లుగా న‌టించారు. ర‌మేష్ మాణిక్యం డైరెక్ట‌ర్‌. ఓ ర‌చ‌యిత భార్య‌కు విడాకులు ఇస్తాడు. అత‌డు రాసిన ఓ బుక్‌ను ఓ మ‌హిళ ప‌బ్లిష్ చేస్తుంది. ఈ క్ర‌మంలోనే వీరిద్ద‌రి మ‌ధ్య ఏర్ప‌డిన ప‌రిచ‌యం ఎలా ప్రేమ‌కు దారితీసింద‌న్న‌దే ఈ సినిమా క‌థ‌.

త‌ల మూవీ

మ‌ల‌యాళం థ్రిల్ల‌ర్ మూవీ త‌ల కేర‌ళ స్టేట్ ఫిల్మ్ అవార్డుతో పాటు అనేక పుర‌స్కారాల‌ను ద‌క్కించుకుంది. ఈ థ్రిల్ల‌ర్ సినిమాలో సుర‌భి ల‌క్ష్మి హీరోయిన్‌గా న‌టించింది. ఈ సినిమాకు ఖాయిస్ మిలేన్ ద‌ర్శ‌క‌త్వం వ‌హించాడు. ఓ స్ల‌మ్ ఏరియాలో మ‌నిషి త‌ల దొరుకుతుంది? అది ఎవ‌రిది? త‌ల వెనుకున్న మిస్ట‌రీ ఎలా రివీలైంది అన్న‌దే ఈ మూవీ క‌థ‌.