Movie Collections | 1400 కోట్ల‌తో తీస్తే ఆరు కోట్లు వ‌చ్చాయి… వ‌ర‌ల్డ్‌లోనే బిగ్గెస్ట్ ప్లాప్ మూవీ ఇదే

Movie Collections |  సినిమా ఇండ‌స్ట్రీలో జ‌యాప‌జ‌యాలు స‌హ‌జం. చేసిన ప్ర‌తి సినిమాతో హిట్టు అందుకోవ‌డం ఎంత పెద్ద హీరోకు, ద‌ర్శ‌కుడికి అయినా సాధ్యం కాదు. స్టార్ హీరోలంద‌రి కెరీర్‌లోనూ ఫ్లాప్‌లు ఉంటాయి. కొన్ని ప‌రాజ‌యాలు మాత్రం నిర్మాత‌ల‌ను కోలుకోలేని దెబ్బ‌తీస్తాయి. ఇటీవ‌ల రిలీజైన ఓ హాలీవుడ్ మూవీ కోసం నిర్మాత పెట్టిన బ‌డ్జెట్‌లో 99 శాతం న‌ష్ట‌పోయాడు. వ‌ర‌ల్డ్‌లోనే బిగ్గెస్ట్ డిజాస్ట‌ర్ మూవీగా చెత్త రికార్డును మూట‌గ‌ట్టుకుంది. ఆ సినిమానే డిజెర్ట్‌ వారియ‌ర్‌. ఈ ఏడాది ఏప్రిల్‌లో డిజెర్ట్‌ వారియ‌ర్ మూవీ రిలీజైంది. సౌదీ అరేబియాలోనే అత్యంత భారీ బ‌డ్జెట్‌తో తెర‌కెక్కిన సినిమాగా డిజెర్ట్ వారియ‌ర్ రికార్డ్ క్రియేట్ చేసింది. సౌదీ అరేబియా సినిమా ఖ్యాతిని ప్రపంచ‌స్థాయిలో చాటిచెప్పాల‌నే ఆలోచ‌న‌తో నిర్మాణంలో మేక‌ర్స్ ఎక్క‌డ రాజీప‌డ‌లేదు. ఏకంగా 1400 కోట్ల భారీ బ‌డ్జెట్‌తో ఈ సినిమాను నిర్మించారు.

హాలీవుడ్ న‌టులు...

డిజెర్ట్ వారియ‌ర్ సినిమాకు రూప‌ర్ వాట్ ద‌ర్శ‌క‌త్వం వ‌హించాడు. హాలీవుడ్ దిగ్గ‌జ యాక్ట‌ర్లు ఆంథోనీ మాకీ, బెన్ కింగ్స్‌లే, షార్ట్లో కూప్లే, అయిషా హార్ట్ కీల‌క పాత్ర‌ల్లో న‌టించారు. అనౌన్స్‌మెంట్‌తోనే డిజెర్ట్ వారియ‌ర్‌పై భారీగా అంచ‌నాలు ఏర్ప‌డ్డాయి. కానీ షూటింగ్ మూడేళ్ల పాటు సాగ‌డం, స‌రైన ప్ర‌మోష‌న్స్ లేక‌పోవ‌డంతో పాటు ఔట్‌డేటెడ్ కాన్సెప్ట్ కార‌ణంగా సినిమా ప్రేక్ష‌కుల‌ను మెప్పించ‌లేక‌పోయింది. సౌదీ అరేబియా సినిమా ల‌వ‌ర్స్ సైతం డిజెర్ట్ వారియ‌ర్‌ను పెద్ద‌గా ప‌ట్టించుకోలేదు. వారం కాక‌ముందే థియేట‌ర్ల‌లో క‌నిపించ‌కుండాపోయింది. ఓవ‌రాల్‌గా ఫుల్ థియేట్రిక‌ల్ ర‌న్‌లో కేవ‌లం ఆరు కోట్ల క‌లెక్ష‌న్స్ మాత్ర‌మే వ‌చ్చాయి. పెట్టిన పెట్టుబ‌డిలో 99.6 శాతం నిర్మాత న‌ష్ట‌పోయారు. అత్య‌ధిక న‌ష్టాల‌ను మిగిల్చిన సినిమాగా డిజెర్ట్ వారియ‌ర్ నిలిచింది.

పీరియాడిక‌ల్ బ్యాక్‌డ్రాప్‌లో...

పీరియాడిక‌ల్ బ్యాక్‌డ్రాప్‌లో ద‌ర్శ‌కుడు రూప‌ర్ వాట్ ఈ సినిమాను తెర‌కెక్కించారు. మ‌హా క్రూరుడైన ఓ చ‌క్ర‌వ‌ర్తిని ఎదురించి ఓ యువ‌తి సాగించిన పోరాటం నేప‌థ్యంలో ఈ మూవీ సాగుతుంది.