Bigg Boss Amardeep | హీరోగా ఎంట్రీ ఇస్తున్న బిగ్‌బాస్ తెలుగు ర‌న్న‌ర‌ప్ – సుమ‌తీ శ‌త‌కం రిలీజ్ డేట్ ఫిక్స్‌

Bigg Boss Amardeep |  బిగ్‌బాస్ తెలుగు ర‌న్న‌ర‌ప్ అమ‌ర్‌దీప్ హీరోగా ఎంట్రీ ఇస్తోన్నాడు. సుమ‌తీ శ‌త‌కం పేరుతో ఓ మూవీ చేస్తున్నాడు.రొమాంటిక్ ఎంట‌ర్‌టైన‌ర్‌గా రూపొందుతోన్న ఈ సినిమాకు ఎంఎం నాయుడు ద‌ర్శ‌క‌త్వం వ‌హిస్తున్నారు. సుమ‌తీ శ‌త‌కం రిలీజ్ డేట్ క‌న్ఫామ్ అయ్యింది. ఫిబ్ర‌వ‌రి 6న ఈ సినిమాను ప్రేక్ష‌కుల ముందుకు తీసుకురాబోతున్న‌ట్లు మేక‌ర్స్ ప్ర‌క‌టించారు.

బిగ్‌బాస్ కంటెస్టెంట్స్‌...

సుమ‌తీ శ‌త‌కం మూవీలో అమ‌ర్‌దీప్‌కు జోడీగా శైలీ చౌద‌రి హీరోయిన్‌గా న‌టిస్తోంది. బిగ్‌బాస్ కంటెస్టెంట్స్ టేస్టీ తేజ‌, మ‌హేష్ విట్టాతో పాటు మిర్చి కిర‌ణ్ , జేడీవీ ప్ర‌సాద్ కీల‌క పాత్ర‌ల్లో న‌టిస్తున్నారు. ఈ చిన్న సినిమాను టాలీవుడ్ ప్రొడ‌క్ష‌న్ హౌజ్ మైత్రీ మూవీస్ డిస్ట్రిబ్యూటర్స్ విడుద‌ల చేయ‌బోతుంది. ఈ సినిమా నుండి "సుమతి సుమతి...ష అనే సాంగ్‌ను మేక‌ర్స్ రిలీజ్ చేశారు. కృష్ణ మాదినేని సాహిత్యం అందించిన ఈ పాటను గోల్డ్ దేవరాజ్ ఆల‌పించారుఏ. సుభాష్ ఆనంద్ మ్యూజిక్ అందించారు.

కుట్టీ కుట్టీ సుమ‌తీ....

"నా కుట్టీ కుట్టీ సుమతీ, నా చిట్టీ చిట్టీ సుమతీ..." అంటూ సాగిన ఈ పాట‌లో విజువ‌ల్స్‌, అమ‌ర్ దీప్‌, శైలీ చౌద‌రి కెమిస్ట్రీ ఆక‌ట్టుకుంటున్నాయి. ప్ర‌స్తుతం ఈ పాట ట్రెండింగ్ అవుతోంది.బిగ్‌బాస్ సీజ‌న్ 7లో ఓ కంటెస్టెంట్‌గా పాల్గొన్నాడు అమ‌ర్‌దీప్ చౌద‌రి. ఈ సీజ‌న్‌లో ఫైన‌ల్ చేరిన అత‌డు ర‌న్న‌ర‌ప్‌గా నిలిచాడు. అమ‌ర్‌దీప్‌ను ఓడించి ప‌ల్ల‌వి ప్ర‌శాంత్ బిగ్‌బాస్ సీజ‌న్ 7 టైటిల్ గెలుచుకున్నాడు. బిగ్‌బాస్ ద్వారా వ‌చ్చిన క్రేజ్‌తో హీరోగా ఎంట్రీ ఇవ్వ‌బోతున్నాడు. సుమ‌తీశ‌త‌కంతో పాటు చౌద‌రి గారి అబ్బాయి నాయుడి గారి అమ్మ‌యితో పాటు మ‌రికొన్ని సినిమాలు చేయ‌బోతున్నాడు. బిగ్‌బాస్ కంటే ముందు జాన‌కి క‌ల‌గ‌న‌లేదుతో పాటు మ‌రొకొన్ని సీరియ‌ల్స్ చేశాడు.