Anupama Parameswaran | కోలీవుడ్ హీరోతో బ్రేక‌ప్ – అనుప‌మ ఇన్‌స్టా పోస్ట్ వైర‌ల్ – అన్‌ఫాలో చేసిందా?

Anupama Parameswaran | హీరోయిన్ అనుప‌మ ప‌ర‌మేశ్వ‌ర‌న్ ల‌వ్‌స్టోరీకి బ్రేక‌ప్ ప‌డిందా? కోలీవుడ్ హీరో ధృవ్‌విక్ర‌మ్ ఈ మ‌ల‌యాళ బ్యూటీ తెగ‌తెంపులు చేసుకుందా? అంటే ఔన‌నే అంటున్నాయి కోలీవుడ్ వ‌ర్గాలు. చియాన్ విక్ర‌మ్ త‌న‌యుడు ధృవ్ విక్ర‌మ్‌తో అనుప‌మ ప‌ర‌మేశ్వ‌ర‌న్ ప్రేమ‌లో ఉన్న‌ట్లుగా చాలా కాలంగా త‌మిళ‌నాట వార్త‌లు వినిపిస్తున్నాయి. ధృవ్ విక్ర‌మ్ బైస‌న్ మూవీలో అనుప‌మ ప‌ర‌మేశ్వ‌ర‌న్ హీరోయిన్‌గా న‌టించింది. ఈ సినిమా షూటింగ్‌లోనే కోలీవుడ్ హీరోతో ఈ మ‌ల‌యాళ బ్యూటీ ప్రేమ‌లో ప‌డిన‌ట్లు ప్ర‌చారం జ‌రిగింది.

క్లోజ్‌గా...

బైస‌న్ ప్ర‌మోష‌న్స్‌లో ధృవ్‌, అనుప‌మ చాలా క్లోజ్‌గా క‌నిపించారు. వీరిద్ద‌రి ఓ ముద్దు ఫొటో తెగ వైర‌ల్ అయ్యింది. ఆ త‌ర్వాత ముంబైలో జ‌రిగిన ఓ అవార్డ్ ఈవెంట్‌కు క‌లిసే అటెండ్ అయ్యారు.ఈ ఫొటోను ధృవ్ విక్ర‌మ్ సోష‌ల్ మీడియాలో షేర్ చేయ‌గా.. హార్ట్ ఎమోజీతో అనుప‌మ రిప్లై ఇచ్చింది. ప్ర‌మోష‌న్స్‌కు క‌లిసే అటెండ్ కావ‌డం, ఒక‌రి మాట‌ల‌కు మ‌రొక‌రు తెగ సిగ్గుప‌డిపోవ‌డం, ఇంట‌ర్వ్యూల‌లో వారి బాండింగ్ చూసిన వారంతా ధృవ్ విక్ర‌మ్‌, అనుప‌మ ప్రేమ‌లో ఉన్న‌ది నిజ‌మేన‌ని అనుకున్నారు. ఓ ఇంట‌ర్వ్యూలో అర్ధ‌రాత్రి రెండు గంట‌ల‌కు ఏదైనా అత్య‌వ‌స‌రం అయితే ఇండ‌స్ట్రీలో మీరు ఎవ‌రికి ఫోన్ చేస్తార‌ని అడిగిన ప్ర‌శ్న‌కు ధృవ్ విక్ర‌మ్ పేరును అనుప‌మ‌ చెప్ప‌డం ఆస‌క్తిక‌రంగా మారింది. ధృవ్ అనుప‌మ ల‌వ్‌స్టోరీకి ఇరు కుటుంబ‌స‌భ్యులు ఓకే చెప్పార‌ని, త్వ‌ర‌లోనే ఈ జంట పెళ్లిపీట‌లు ఎక్క‌బోతున్నారంటూ వార్త‌లు కూడా వినిపించాయి.

బ్రేక‌ప్‌...

అయితే ఈ ప్రేమ‌క‌థ మూడునాళ్ల ముచ్చ‌ట‌గానే నిలిచిన‌ట్లు స‌మాచారం. మ‌న‌స్ప‌ర్థ‌ల కార‌ణంగా వీరిద్ద‌రు విడిపోయిన‌ట్లు కోలీవుడ్ వ‌ర్గాల్లో టాక్ నడుస్తోంది. సోష‌ల్ మీడియాలో అనుప‌మ ప‌ర‌మేశ్వ‌ర‌న్ సుదీర్ఘ‌మైన పోస్ట్‌లు పెట్టింది. "నేను మళ్లీ నా జీవితాన్ని ప్రేమించడం మొదలుపెట్టాను. నా మనశ్శాంతి కోసం కొన్ని గమ్యం లేని దారుల‌ను వ‌దిలిపెట్టాల్సివ‌చ్చింది.  నా ప్రయాణం ఎటువైపు సాగాలన్నది ఇకపై నేనే నిర్దేశించుకుంటాను. ఎవరి నియంత్రణలు, భయాలు నన్ను ఆపలేవు. నా గొంతును నేనే వినిపిస్తా. ఇక‌పై మౌనంగా ఉండ‌ను" అంటూ అనుప‌మ పెట్టిన ఓ పోస్ట్ వైర‌ల్ అవుతోంది. బ్రేక‌ప్ గురించి ఈ పోస్ట్‌ల ద్వారా ఇన్‌డైరెక్ట్‌గా అనుప‌మ‌ హింట్ ఇచ్చింద‌ని నెటిజ‌న్లు అంటున్నారు.

అన్‌ఫాలో...

చాలా రోజుల త‌ర్వాత ఇన్‌స్టాగ్రామ్‌లో పోస్ట్ పెట్ట‌డం, అది కూడా ఎమోష‌న‌ల్ పోస్ట్ కావ‌డ‌తో బ్రేక‌ప్ వార్త‌లు నిజ‌మేన‌ని చెబుతున్నారు.  బ్రేక‌ప్ బాధ కార‌ణంగానే ఇన్నాళ్లు అనుప‌మ సోష‌ల్ మీడియాకు దూరంగా ఉంద‌ని సమాచార  .బ్రేక‌ప్ రూమ‌ర్ల‌కు బ‌లాన్ని చేకూరుస్తూ ఇన్‌స్టాగ్రామ్‌లో ధృవ్ విక్ర‌మ్‌ను అనుపమ ప‌ర‌మేశ్వ‌ర‌న్ అన్‌ఫాలో చేసింది.  అఫీషియ‌ల్‌గా అనౌన్స్ చేయ‌కుండానే అనుప‌మ ల‌వ్‌స్టోరీకి శుభం కార్డు ప‌డింద‌ని నెటిజ‌న్లు పేర్కొంటున్నారు.
ప్ర‌స్తుతం తెలుగులో శ‌ర్వానంద్ భోగితో పాటు క్రేజీ క‌ళ్యాణం సినిమాలు చేస్తోంది అనుప‌మ ప‌ర‌మేశ్వ‌ర‌న్‌. ఈ రెండు సినిమాల్లో తెలంగాణ అమ్మాయిగా క‌నిపించ‌బోతుంది.