Anasuya | అన‌సూయ‌పై సోష‌ల్ మీడియాలో వేధింపులు – 73 మందిపై కేసు న‌మోదు

Anasuya | సోష‌ల్ మీడియాలో త‌న‌పై వ‌స్తోన్న వేధింపుల‌పై అన‌సూయ సైబ‌ర్ క్రైమ్ పోలీసుల‌ను ఆశ్ర‌యించింది. 73 మందిపై కేసు పెట్టింది. ఇందులో పొలిటిక‌ల్ లీడ‌ర్ల‌తో పాటు ప‌లువురు సినీ ప్ర‌ముఖులు, జ‌ర్న‌లిస్ట్‌లు ఉన్న‌ట్లు స‌మాచారం.
ఏఐ (ఆర్టిఫీషియ‌ల్ ఇంటెలిజెన్స్‌)ని ఉప‌యోగిస్తూ త‌న వ్య‌క్తిత్వాన్ని కించ‌ప‌రిచేలా కొంద‌రు అస‌భ్య‌క‌ర‌మైన పోస్టులు, మార్ఫింగ్ వీడియోల‌ను సోష‌ల్ మీడియాలో పెడుతున్నార‌ని అన‌సూయ త‌న కంప్లైంట్‌లో పేర్కొన్న‌ట్లు తెలిసింది. బెదిరింపుల‌కు పాల్ప‌డ‌ట‌మే కాకుండా త‌న జీవ‌నోపాధిని దెబ్బ‌తీస్తున్నార‌ని కంప్లైంట్‌లో వెల్ల‌డించిన‌ట్లు స‌మాచారం.
అన‌సూయ కంప్లైంట్‌ను స్వీక‌రించిన సైబ‌ర్ క్రైమ్‌ పోలీసులు ప‌లు సెక్ష‌న్ల కింద కేసులు న‌మోదు చేశారు. అన‌సూయ‌పై (Anasuya) వేధింపుల‌కు పాల్ప‌డిన 73 మందిని పోలీసులు గుర్తించిన‌ట్లు తెలిసింది. ఇందులో కాంగ్రెస్ లీడ‌ర్ బొజ్జ సంధ్యారెడ్డితో పాటు కొంద‌రు జ‌ర్న‌లిస్ట్‌లు, సినీ ప్ర‌ముఖుల‌తో పాటు సోష‌ల్ మీడియా ఇన్‌ఫ్లూయెన్స‌ర్లు ఉన్నార‌ట‌. అన‌సూయ పోలీస్ కంప్లైంట్‌పై సింగ‌ర్ చిన్మ‌యి (Chinmayi) రియాక్ట్ అయ్యింది. అన‌సూయ‌పై వేధింపుల‌కు గురిచేసిన వారిలో రాజ‌కీయ నాయ‌కులు ఉన్నారంటూ పేర్కొన్న‌ది. అన‌సూయ‌పై అనుచిత కామెంట్ల‌ను చేసిన కొంద‌రి వీడియోల‌ను చిన్మ‌యి త‌న సోష‌ల్ మీడియాలో షేర్ చేసింది.

శివాజీతో గొడవ...

కాగా గ‌త కొద్ది రోజులుగా అన‌సూయ ఎక్కువ‌గా వివాదాల‌తోనే వార్త‌ల్లో నిలుస్తోంది. ఇటీవ‌ల దండోరా మూవీ ప్రీ రిలీజ్ ఈవెంట్‌లో హీరోయిన్ల డ్రెస్‌ల‌పై శివాజీ చేసిన కామెంట్లు వివాదాస్ప‌ద‌మ‌య్యాయి. మీ స‌ల‌హాలు మాకు అక్క‌ర‌లేదంటూ శివాజీకి అన‌సూయ గ‌ట్టి కౌంట‌ర్ ఇచ్చింది. ఈ ఈ కామెంట్లు కాస్త అన‌సూయ‌, శివాజీ మ‌ధ్య గొడ‌వ‌గా మారాయి. ఈ వివాదంలో చాలా మంది నెటిజ‌న్లు అన‌సూయ‌ను ట్రోల్ చేయ‌డం మొద‌లుపెట్టారు. సోష‌ల్ మీడియాలో అటెన్ష‌న్‌తో కోస‌మే అన‌సూయ ఇదంతా చేస్తుందంటూ కామెంట్లు పెట్టారు. ఈ విమ‌ర్శ‌ల‌పైఇటీవ‌ల ఎమోష‌న‌ల్ అయ్యి క‌న్నీళ్లు పెట్టుకుంది అన‌సూయ‌.