Allu Sneha Reddy | నిర్మాత‌గా అల్లు అర్జున్ క్లోజ్ ఫ్రెండ్ – జోక‌ర్ మూవీ లాంఛ్ ఈవెంట్‌కు స్పెష‌ల్ అట్రాక్ష‌న్‌గా స్నేహారెడ్డి

Allu Sneha Reddy అల్లు అర్జున్ క్లోజ్ ఫ్రెండ్ సందీప్ రామినేని (శాండి) నిర్మాత‌గా మారారు. తొలి ప్ర‌య‌త్నంగా జోక‌ర్ పేరుతో ఓ సినిమాను నిర్మించ‌బోతున్నారు. న్యూ ఏజ్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమాలో మౌర్య సిద్ధ‌వ‌రం, త‌న్వీ ఆకాంక్ష హీరోహీరోయిన్లుగా న‌టిస్తున్నారు. గీత సీ శేఖ‌ర్ ద‌ర్శ‌క‌త్వం వ‌హిస్తున్నారు.

అల్లు స్నేహారెడ్డి...

జోక‌ర్ మూవీ శ‌నివారం హైద‌రాబాద్‌లో ప్రారంభ‌మైంది. ఈ సినిమా పూజా కార్య‌క్ర‌మాల్లో అల్లు అర్జున్ స‌తీమ‌ణి స్నేహారెడ్డి పాల్గొన్న‌ది. ఆమెతో పాటు అల్లు అర‌వింద్‌, బ‌న్నీవాస్ స‌హా ప‌లువురు సినీ ప్ర‌ముఖులు ఓపెనింగ్ ఈవెంట్‌కు హాజ‌ర‌య్యారు. హీరోహీరోయిన్ల‌పై చిత్రీక‌రించిన ముహూర్త‌పు స‌న్నివేశానికి అల్లు అర‌వింద్ క్లాప్ కొట్ట‌గా..అల్లు స్నేహ కెమెరా స్విఛాన్ చేశారు. బ‌న్నీ వాస్ స్క్రిప్ట్‌ను అందించారు.

రెగ్యుల‌ర్ షూటింగ్...

ఎమోష‌న‌ల్ ల‌వ్ ఎంట‌ర్‌టైన‌ర్‌గా జోక‌ర్ సినిమాను తెర‌కెక్కించ‌బోతున్న‌ట్లు నిర్మాత సందీప్ చెప్పారు. ఆగ‌స్ట్ నుంచి ఈ సినిమా రెగ్యుల‌ర్ షూటింగ్ మొద‌లుపెట్ట‌బోతున్న‌ట్లు ప్ర‌క‌టించారు. మౌర్య త‌న్వీ జోడి కెమిస్ట్రీ ఆక‌ట్టుకుంటుంద‌ని అన్నారు. త్వ‌ర‌లోనే ఇత‌ర న‌టీన‌టులు, సాంకేతిక నిపుణుల వివ‌రాల‌ను వెల్ల‌డిస్తామ‌ని చెప్పారు.

అల్లు అర్జున్ రావాల్సింది...కానీ...

జోక‌ర్ మూవీ లాంఛింగ్ ఈవెంట్‌కు అల్లు అర్జున్ హాజ‌రుకావాల్సింద‌ట‌. కానీ రాకా మూవీ షూటింగ్‌తో బిజీగా ఉండ‌టంతో భ‌ర్త త‌ర‌ఫున అల్లు స్నేహారెడ్డి ఈ వేడుక‌కు అటెండ్ అయిన‌ట్లు చెబుతున్నారు. అల్లు స్నేహారెడ్డి సినిమా వేడుక‌ల్లో పాల్గొన‌డం త‌క్కువే. జోక‌ర్ మూవీ ఈవెంట్‌కు ఆమె అటెండ్ కావ‌డం ఆస‌క్తిక‌రంగా మారింది.