Dollar VS Rupee | అంతర్జాతీయ మార్కెట్‌లో దారుణంగా రూపాయి పతనం.. కారణం అదేనా?

Dollar VS Rupee | అంతర్జాతీయ మార్కెట్‌లో రూపాయి దారుణంగా పతనం అవుతోంది. నిన్నటి వరకు డాలర్‌కి 90.78 రూపాయల వరకు ఉన్న వాల్యూ మంగళవారం కాస్త 91 రూపాయలకు చేరుకుంది. రోజురోజుకూ అంతర్జాతీయ మార్కెట్‌లో రూపాయి విలువ పడిపోతుండటం ఒకింత భారత ఆర్థిక వ్యవస్థను విస్మయానికి గురి చేస్తోంది. మంగళవారం రూపాయి విలువ డాలర్‌కి 91.14 రూపాయలను తాకింది.

యూఎస్ - భారత్ మధ్య ట్రేడ్ డీల్ ఇంకా ఓ కొలిక్కి రాకపోవడం, భారత్‌పై యూఎస్ విధించిన టారిఫ్‌లపై అనిశ్చితి నెలకొనడం వల్లనే ఫారెక్స్ మార్కెట్‌లో రూపాయి దారుణంగా పతనం చెందుతోందని ఆర్థిక నిపుణులు చెబుతున్నారు.

ఈ సంవత్సరం 6 శాతం పడిపోయిన రూపాయి

డాలర్‌కి రోజురోజుకి డిమాండ్ పెరగడం ఒక కారణం అయితే.. టారిఫ్‌లపై అనిశ్చితి మరో కారణం. ఈ సంవత్సరం రూపాయి విలువ 6 శాతం తగ్గింది. ఈ సంవత్సరం 18 బిలియన్ డాలర్ల విలువైన భారత ఈక్విటీలను ఫారెన్ ఇన్వెస్టర్లు అమ్మేశారు. ఫారెన్ పోర్ట్‌ఫోలియో ఔట్ ఫ్లో కూడా కంటిన్యూ అవుతుండటం వల్ల రూపాయి విలువ మరింత పతనం చెందుతోంది.
ప్రస్తుతం 90 నుంచి 90.20 వద్ద రూపాయికి స్ట్రాంగ్ సపోర్ట్ జోన్ ఉండగా.. 90.80 నుంచి 91 దగ్గర స్ట్రాంగ్ రెసిస్టెన్స్ జోన్ ఉంది.