Gold And Silver Rates Today | స్వ‌ల్పంగా త‌గ్గిన బంగారం, వెండి ధ‌ర‌లు.. ఫ్యూచర్ల‌లో తీవ్ర‌మైన అస్థిర‌త‌..

Gold And Silver Rates Today | మధ్యప్రాచ్యంలో కొనసాగుతున్న ఉద్రిక్త పరిస్థితుల నేపథ్యంలో పెట్టుబడిదారులు సురక్షిత మార్గాలవైపు మొగ్గు చూపడంతో బంగారం, వెండి ధరలు శుక్రవారం భారీగా పెరిగాయి. దేశంలోని మ‌ల్టీ క‌మోడిటీ ఎక్స్‌ఛేంజ్ ఆఫ్ ఇండియా (MCX)లో బంగారం, వెండి ఫ్యూచర్స్ ధరలు గణనీయంగా పెరుగుద‌ల‌ను న‌మోదు చేశాయి. అదే సమయంలో అమెరికా డాలర్ బలహీనపడడం కూడా బులియన్ ధరల పెరుగుదలకు కార‌ణ‌మైంది. ఏప్రిల్ 2026 డెలివరీకి సంబంధించిన గోల్డ్ ఫ్యూచర్స్ ధరలు రూ. 1,577 ( 1 శాతం) పెరిగి 10 గ్రాములకు రూ. 1,61,250కు చేరుకున్నాయి. అదే సమయంలో మే 2026 డెలివరీకి సంబంధించిన సిల్వర్ ఫ్యూచర్స్ ధరలు ఒక్కసారిగా రూ. 6,800 (2.5 శాతం) పెరిగి కిలోకు రూ. 2,68,991 వద్ద ట్రేడవుతున్నాయి.

3 శాతం త‌గ్గుద‌ల‌..

అంతర్జాతీయ మార్కెట్‌లో కూడా బంగారం, వెండి ధరలు పెరిగాయి. స్పాట్ గోల్డ్ ధర ఔన్స్‌కు 1 శాతం పెరిగి 5,124.73 డాలర్ల వద్ద ట్రేడ‌వుతోంది. అయితే ఈ వారంలో మొత్తం మీద బంగారం ధరలు సుమారు 3 శాతం తగ్గాయి. వడ్డీ రేట్లు తగ్గే అవకాశాలు లేక‌పోవడం, ఇంధన ధరలు పెరగడం వల్ల ద్రవ్యోల్బణం పెరిగే భయాలు మార్కెట్‌ను ప్రభావితం చేస్తున్నాయి. అదేవిధంగా స్పాట్ సిల్వర్ ధర కూడా 1.7 శాతం పెరిగి ఔన్స్‌కు 83.57 డాలర్ల వద్ద కొన‌సాగుతోంది. ఈ సంద‌ర్భంగా ప్రిత్వీ ఫిన్‌మార్ట్‌కు చెందిన మార్కెట్ అన‌లిస్టు మ‌నోజ్ కుమార్ జైన్ మాట్లాడుతూ అమెరికా డాలర్ సూచీ మార్పులు, కొనసాగుతున్న అమెరికా-ఇరాన్ ఉద్రిక్తతలు, త్వరలో విడుదల కానున్న అమెరికా ఉద్యోగ గణాంకాల నేపథ్యంలో బంగారం, వెండి ధరలు శుక్ర‌వారం ట్రేడింగ్ సెషన్‌లో తీవ్ర మార్పులకు లోనయ్యే అవకాశం ఉందని తెలిపారు.

పెట్టుబ‌డి పెట్ట‌వ‌చ్చా..

అమెరికా ఉద్యోగ గణాంకాలు విడుదలయ్యే వరకు బంగారం, వెండి మార్కెట్లలో కొత్త పెట్టుబడులు పెట్టడాన్ని నివారించడం మంచిదని మ‌నోజ్ కుమార్ జైన్ సూచించారు. ప్రస్తుత పరిస్థితుల్లో జియోపొలిటికల్ ఉద్రిక్తతలు, కరెన్సీ మార్పులు, ద్రవ్యోల్బణ భయాలు బులియన్ మార్కెట్‌ను ప్రభావితం చేస్తున్నాయి. అందువల్ల తక్షణ ట్రేడింగ్‌లో జాగ్రత్త అవసరం. మార్కెట్‌లో అధిక అస్థిరత కొనసాగుతున్నందున పెట్టుబడిదారులు కీలక సపోర్ట్-రెసిస్టెన్స్ స్థాయిలను గమనిస్తూ వ్యూహాత్మకంగా నిర్ణయాలు తీసుకోవాలని నిపుణులు సూచిస్తున్నారు.

ఇక బంగారం, వెండి ధ‌ర‌లు స్పాట్ మార్కెట్‌లో ఇలా ఉన్నాయి. 24 క్యారెట్ల బంగారం 10 గ్రాముల ధ‌ర రూ.1,62,870 ఉండ‌గా, 22 క్యారెట్ల బంగారం ధ‌ర రూ.1,49,290, 18 క్యారెట్ల బంగారం ధ‌ర రూ.1,22,15గా ఉంది. ఇక వెండి కిలో ధ‌ర రూ.2,84,900 ఉండ‌గా, తులం ధ‌ర రూ.2,849గా ఉంది.