Gold And Silver Prices Today | దిగి వస్తున్న బంగారం ధ‌ర‌లు.. పెట్టుబ‌డిదారుల చూపు ఎటు..?

Gold And Silver Prices Today | అంతర్జాతీయ మార్కెట్లలో పెరుగుతున్న క్రూడ్ ఆయిల్ ధరలు, అమెరికా డాలర్ బలపడటం ప్రభావంతో సోమవారం ఎంసీఎక్స్‌లో బంగారం, వెండి ధరలు భారీ ఒత్తిడికి గురయ్యాయి. ద్రవ్యోల్బణ భయాలు మళ్లీ పెరగడంతోపాటు అమెరికా ఫెడ్ వడ్డీ రేట్ల పెంపు అవకాశాలపై ఆందోళనలు పెరగడం వల్ల బులియన్ మార్కెట్‌లో అమ్మకాల ఒత్తిడి కనిపించింది. ఎంసీఎక్స్ గోల్డ్ జూన్ ఫ్యూచర్స్ 0.43 శాతం పడిపోయి 10 గ్రాములకు 1,57,858 వద్ద ట్రేడ్ అయ్యాయి. అదే సమయంలో ఎంసీఎక్స్ సిల్వర్ జూలై ఫ్యూచర్స్ 1.24 శాతం క్షీణించి కిలోకు 2,68,511 వద్ద నమోదయ్యాయి. క్రూడ్ ఆయిల్ ధరలు పెరగడం వల్ల అమెరికా డాలర్‌కు డిమాండ్ పెరిగింది. దీంతో డాలర్ ఇండెక్స్ 0.10 శాతం కంటే ఎక్కువగా ఎగబాకింది. డాలర్ బలపడితే ఇతర కరెన్సీల్లో కొనుగోలు చేసే వారికి బంగారం ఖరీదుగా మారుతుంది. దీనివల్ల గోల్డ్‌పై డిమాండ్ తగ్గి ధరలపై ఒత్తిడి ఏర్పడుతుంది. యూఏఈలోని అణు విద్యుత్ కేంద్రం సమీపంలో డ్రోన్ దాడి జరగడంతో పశ్చిమ ఆసియాలో ఉద్రిక్తతలు మళ్లీ పెరిగాయి. దీంతో బ్రెంట్ క్రూడ్ ధరలు 2 శాతం ఎగిసి బ్యారెల్‌కు 111 డాలర్లకు పైగా ట్రేడ్ అవుతున్నాయి. ఇక దేశీయ స్పాట్ మార్కెట్‌లో బంగారం ధ‌ర స్వ‌ల్పంగా త‌గ్గ‌గా, వెండి ధ‌ర భారీగా పెరిగింది.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.15,622 ఉండ‌గా, 8 గ్రాముల ధ‌ర రూ.1,24,976 గా ఉంది. 10 గ్రాముల ధ‌ర రూ.1,56,220 గా ఉంది. 100 గ్రాముల బంగారం ధ‌ర రూ.15,62,200 గా ఉంది. ఇది కింద‌టి రోజు ముగింపుతో పోలిస్తే రూ.7,100 త‌గ్గింది.

22 క్యారెట్ల 1 గ్రాము బంగారం ధ‌ర రూ.14,320 ఉండ‌గా, 8 గ్రాముల ధ‌ర రూ.1,14,560గా ఉంది. 10 గ్రాముల ధ‌ర రూ.1,43,200 ఉండగా, 100 గ్రాముల బంగారం ధ‌ర రూ.14,32,000గా ఉంది. ఇది క్రితం ముగింపుతో పోలిస్తే రూ.6,500 త‌గ్గింది.

18 క్యారెట్ల 1 గ్రాము బంగారం ధ‌ర రూ.11,717 ఉండ‌గా, 8 గ్రాముల ధ‌ర రూ.93,736గా ఉంది. 10 గ్రాముల ధ‌ర రూ.1,17,170 ఉండ‌గా, 100 గ్రాముల బంగారం ధ‌ర రూ.11,71,700గా ఉంది. ఇది క్రితం ముగింపుతో పోలిస్తే రూ.5,300 త‌గ్గింది.

దేశీయ మార్కెట్‌లో 1 కిలో వెండి ధ‌ర రూ.2,90,000 ఉండ‌గా, తులం ధ‌ర రూ.2,900గా ఉంది. క్రితం ముగింపుతో పోలిస్తే వెండి కిలోకు రూ.10వేలు పెరిగింది. అలాగే హైద‌రాబాద్‌లో 1 కిలో వెండి ధ‌ర రూ.3,00,000 ఉండ‌గా, తులం ధ‌ర రూ.3,000 గా ఉంది.