EPFO | పీఎఫ్ నిబంధనల్లో కీలక మార్పులు.. ఇక 2 నెలల్లోనే నగదు..
EPFO | ఉద్యోగుల భవిష్య నిధి సంస్థ (ఈపీఎఫ్ఓ) పీఎఫ్ ఉపసంహరణ నిబంధనల్లో కీలక మార్పులకు ఆమోదం తెలిపింది. ఇప్పటివరకు ఖాతాలో కనీసం 25 శాతం మొత్తాన్ని నిల్వ ఉంచాల్సి ఉండగా, ఇకపై కేవలం 10 శాతం మాత్రమే ఉంచుకోవచ్చు. అలాగే పూర్తి పీఎఫ్ నగదు ఉపసంహరణ కోసం ఎదురుచూసే గడువును 12 నెలల నుంచి రెండు నెలలకు తగ్గించింది.
EPFO | ఉద్యోగుల భవిష్య నిధి సంస్థ (ఈపీఎఫ్ఓ) పీఎఫ్ ఉపసంహరణ నిబంధనల్లో కీలక మార్పులకు ఆమోదం తెలిపింది. ఇప్పటివరకు ఖాతాలో కనీసం 25 శాతం మొత్తాన్ని నిల్వ ఉంచాల్సి ఉండగా, ఇకపై కేవలం 10 శాతం మాత్రమే ఉంచుకోవచ్చు. అలాగే పూర్తి పీఎఫ్ నగదు ఉపసంహరణ కోసం ఎదురుచూసే గడువును 12 నెలల నుంచి రెండు నెలలకు తగ్గించింది. పదవీ విరమణ చేసిన ఉద్యోగులకు నెలవారీ, మూడు నెలలకు ఒకసారి లేదా ఆరు నెలలకు ఒకసారి నగదు పొందే వెసులుబాటును కూడా కల్పించనుంది.
వేచి ఉండే గడువు 2 నెలలే..
ఉద్యోగుల భవిష్య నిధి సంస్థ (ఈపీఎఫ్ఓ) సభ్యులకు తమ పదవీ విరమణ పొదుపులను మరింత సులభంగా వినియోగించుకునే అవకాశం కల్పిస్తూ కొత్త ఉపసంహరణ విధానానికి ఆమోదం తెలిపింది. సవరించిన నిబంధనల ప్రకారం, పీఎఫ్ ఖాతాలో గతంలో కనీసం 25 శాతం మొత్తాన్ని నిల్వ ఉంచాల్సి ఉండగా, ఇకపై 10 శాతం మాత్రమే నిల్వ ఉంచితే సరిపోతుంది. దీంతో సభ్యులు తమ పొదుపుల్లో ఎక్కువ మొత్తాన్ని ఉపసంహరించుకునే అవకాశం లభిస్తుంది. మరో కీలక మార్పు ఏమిటంటే, పూర్తి పీఎఫ్ నగదు సెటిల్మెంట్ కోసం గతంలో 12 నెలలు వేచి ఉండాల్సి వచ్చేది. ఈ గడువును రెండు నెలలకు తగ్గించాలని నిర్ణయించారు.
కొత్తగా ఎస్డబ్ల్యూపీ విధానం..
సిస్టమాటిక్ విత్డ్రాయల్ ప్లాన్ (ఎస్డబ్ల్యూపీ) పేరుతో మరో కొత్త సదుపాయాన్ని ఈపీఎఫ్ఓ ప్రవేశపెట్టనుంది. పదవీ విరమణ చేసిన అర్హులైన సభ్యులు తమ పీఎఫ్ పొదుపులను ఒకేసారి తీసుకోకుండా నెలవారీగా, మూడు నెలలకు ఒకసారి లేదా ఆరు నెలలకు ఒకసారి వాయిదాల రూపంలో పొందవచ్చు. మిగిలిన నగదు పీఎఫ్ ఖాతాలోనే పెట్టుబడిగా కొనసాగుతూ రాబడిని ఆర్జిస్తుంది. ప్రారంభ దశలో 55 ఏళ్లు దాటిన సుమారు 6.32 లక్షల మంది సభ్యులకు ఈ విధానం ప్రయోజనం చేకూరనుంది. సభ్యుడు మరణించిన సందర్భంలో నామినీలు మిగిలిన మొత్తాన్ని ఉపసంహరించుకోవచ్చు లేదా ఈ వాయిదాల విధానాన్ని కొనసాగించవచ్చు. ఈ సదుపాయం తప్పనిసరి కాదు. సభ్యులు తమ అవసరాన్ని బట్టి ఒకేసారి నగదు తీసుకోవాలా, వాయిదాల రూపంలో పొందాలా అనేది నిర్ణయించుకోవచ్చు.
రెండు రోజుల్లోనే క్లెయిమ్ల పరిష్కారం..
మరోవైపు, పీఎఫ్ క్లెయిమ్ల పరిష్కారంలోనూ ఈపీఎఫ్ఓ గణనీయమైన పురోగతి సాధించినట్లు వెల్లడించింది. క్లెయిమ్ల పరిష్కారానికి గతంలో సగటున 11.15 రోజులు పట్టగా, ప్రస్తుతం 2.57 రోజులకు తగ్గింది. ఆటోమేటెడ్ క్లెయిమ్ ప్రాసెసింగ్ 39 శాతం నుంచి 71 శాతానికి పెరిగింది. క్లెయిమ్ల తిరస్కరణ రేటు కూడా 23 శాతం నుంచి 7.82 శాతానికి తగ్గింది. అదనంగా, కొత్తగా వచ్చే నిధుల్లో మూడు శాతం వరకు అర్హత కలిగిన ప్రత్యామ్నాయ పెట్టుబడి నిధుల్లో పెట్టుబడి పెట్టేందుకు ఈపీఎఫ్ఓ సూత్రప్రాయంగా ఆమోదం తెలిపింది. అయితే, ఈ కొత్త ఉపసంహరణ విధానం తక్షణమే అమల్లోకి రాదు. ఈపీఎఫ్ పథకానికి సంబంధించిన సవరణలు, పన్ను నిబంధనల్లో మార్పులు అధికారికంగా నోటిఫై చేసిన తర్వాతే కొత్త విధానం అమల్లోకి రానుంది.
ట్యాగ్స్:
తాజావార్తలు
- ●FII Buying | ఎఫ్ఐఐల కొనుగోళ్లు @ రూ.1 లక్ష కోట్లు.. దేశీయ స్టాక్ మార్కెట్లలో లాభాల పంట..
- ●Cheetah | నాలుగు కూనలకు జన్మనిచ్చిన KOMG 3.. దేశంలో మరింత పెరిగిన చీతాల కుటుంబం
- ●Rasamayi Balakishan | కేసీఆర్ గులాబీ కండువా కప్పకపోతే.. నువ్వు పదవులు అనుభవించేవాడివా?.. రేవంత్పై రసమయి ఫైర్
- ●Tollywood | ఇంటివాడుకాబోతున్న టాలీవుడ్ యంగ్ హీరో
- ●CM Yogi Adityanath | యూపీ సీఎం యోగి ఆదిత్యనాథ్కు మాతృవియోగం
- ●Rahul Gandhi | రాజీపడిన ప్రధాని ఎప్పటికీ అక్కడ కూర్చోలేరు.. కేంద్ర ప్రభుత్వంపై రాహుల్ విమర్శలు

FII Buying | ఎఫ్ఐఐల కొనుగోళ్లు @ రూ.1 లక్ష కోట్లు.. దేశీయ స్టాక్ మార్కెట్లలో లాభాల పంట..

Cheetah | నాలుగు కూనలకు జన్మనిచ్చిన KOMG 3.. దేశంలో మరింత పెరిగిన చీతాల కుటుంబం

Rasamayi Balakishan | కేసీఆర్ గులాబీ కండువా కప్పకపోతే.. నువ్వు పదవులు అనుభవించేవాడివా?.. రేవంత్పై రసమయి ఫైర్

Tollywood | ఇంటివాడుకాబోతున్న టాలీవుడ్ యంగ్ హీరో






