EPFO | ఈపీఎఫ్వో 3.0లో భారీ మార్పులు.. సభ్యులకు అనేక సదుపాయాలు..
EPFO | ఉద్యోగుల భవిష్య నిధి సంస్థ (ఈపీఎఫ్వో) తన సభ్యుల కోసం నెక్స్ట్ జనరేషన్ సంస్కరణల భాగంగా ఈపీఎఫ్వో 3.0 ని తీసుకురానుంది. ఇందులో అత్యంత కీలకమైన మార్పుగా యూపీఐ లేదా యూపీఐ ఆధారిత ఏటీఎం సేవల ద్వారా ప్రావిడెంట్ ఫండ్ (పీఎఫ్) ఖాతాల నుంచి నేరుగా డబ్బు ఉపసంహరించుకునే సౌకర్యాన్ని అందుబాటులోకి తీసుకురానుంది.
EPFO | ఉద్యోగుల భవిష్య నిధి సంస్థ (ఈపీఎఫ్వో) తన సభ్యుల కోసం నెక్స్ట్ జనరేషన్ సంస్కరణల భాగంగా ఈపీఎఫ్వో 3.0 ని తీసుకురానుంది. ఇందులో అత్యంత కీలకమైన మార్పుగా యూపీఐ లేదా యూపీఐ ఆధారిత ఏటీఎం సేవల ద్వారా ప్రావిడెంట్ ఫండ్ (పీఎఫ్) ఖాతాల నుంచి నేరుగా డబ్బు ఉపసంహరించుకునే సౌకర్యాన్ని అందుబాటులోకి తీసుకురానుంది. కేంద్ర కార్మిక శాఖ మంత్రి మాన్సుఖ్ మాండవ్య ఇటీవల ఈపీఎఫ్వో 3.0ను త్వరలో అమలు చేయనున్నట్లు ప్రకటించారు. ఈ ఫీచర్కు సంబంధించిన పరీక్షలు పూర్తయ్యాయని ఆయన వెల్లడించారు. అయితే అమలు తేదీని మాత్రం ఇంకా అధికారికంగా ప్రకటించలేదు. ఈపీఎఫ్వో 3.0 అమల్లోకి వచ్చిన తర్వాత సభ్యులు తమ ఈపీఎఫ్ ఖాతాలో ఉన్న మొత్తంలో 50 శాతం నుంచి 75 శాతం వరకు యూపీఐ లేదా యూపీఐ ఆధారిత ఏటీఎం సేవల ద్వారా ఉపసంహరించుకునే అవకాశం ఉంటుంది. అయితే ఈ ఉపసంహరణలు సంబంధిత నిబంధనలు, అర్హత ప్రమాణాలకు లోబడి ఉంటాయి.
పీఎఫ్ కాంట్రిబ్యూషన్లకే..
యూపీఐ ఆధారిత కొత్త సేవ ద్వారా సభ్యులు తమ పీఎఫ్ ఖాతాలో అందుబాటులో ఉన్న బ్యాలెన్స్ను నేరుగా చూడవచ్చు. అవసరమైన మొత్తాన్ని తమ బ్యాంక్ ఖాతాకు బదిలీ చేసుకునే సౌకర్యం కూడా ఉంటుంది. పీఎఫ్ ఖాతా నుంచి బ్యాంక్ ఖాతాకు డబ్బు బదిలీ చేయాలంటే సభ్యులు తమకు లింక్ చేయబడిన యూపీఐ పిన్ను ఉపయోగించాల్సి ఉంటుంది. ఒకసారి డబ్బు బ్యాంక్ ఖాతాలో జమ అయిన తర్వాత, దాన్ని డిజిటల్ చెల్లింపులకు వినియోగించవచ్చు లేదా డెబిట్ కార్డు ద్వారా ఏటీఎంల నుంచి నగదు రూపంలో తీసుకోవచ్చు. యూపీఐ లేదా యూపీఐ ఆధారిత ఏటీఎం ఉపసంహరణ సౌకర్యం కేవలం ప్రావిడెంట్ ఫండ్ ఖాతాలకు మాత్రమే వర్తిస్తుంది. ఉద్యోగి, యజమాని చెల్లించే పీఎఫ్ కాంట్రిబ్యూషన్లకే ఈ సేవ అందుబాటులో ఉంటుంది. పెన్షన్ నిధికి సంబంధించిన కాంట్రిబ్యూషన్లపై ఎలాంటి ప్రభావం ఉండదని స్పష్టమైంది.
పూర్తిగా ఆన్లైన్లోనే క్లెయిమ్లు..
ఈపీఎఫ్వో సభ్యులు ఫేస్ అథెంటికేషన్ టెక్నాలజీ (ఎఫ్ఏటీ) సహాయంతో తమ కొత్త లేదా ఇప్పటికే ఉన్న యూనివర్సల్ అకౌంట్ నంబర్ (యూఏఎన్)ను ఉమంగ్ యాప్లో యాక్టివేట్ చేసుకునే వీలుంటుంది. దీని ద్వారా సభ్యులు తమ పాస్బుక్ను సులభంగా యాక్సెస్ చేయవచ్చు. అసంపూర్ణంగా ఉన్న వ్యక్తిగత వివరాలను సరిదిద్దుకోవచ్చు. అలాగే వివిధ క్లెయిమ్లను పూర్తిగా ఆన్లైన్లో సమర్పించే అవకాశం కూడా లభిస్తుంది. ఈపీఎఫ్వో మరో కీలక అడుగు వేస్తూ పీఎఫ్ ఖాతా సమాచారాన్ని వాట్సాప్ ద్వారా అందుబాటులోకి తీసుకురావడానికి సిద్ధమవుతోంది. దీని ద్వారా సభ్యులు తమ పీఎఫ్ బ్యాలెన్స్, చివరి ఐదు లావాదేవీలు, పీఎఫ్ క్లెయిమ్ స్టేటస్ వంటి వివరాలను వేగంగా తెలుసుకోవచ్చు. ఈ సేవ కోసం ఈపీఎఫ్వో ప్రత్యేకంగా ఒక నమోదిత మొబైల్ నంబర్ను విడుదల చేయనుంది. సభ్యులు తమ రిజిస్టర్డ్ మొబైల్ నంబర్ నుంచి హలో అనే సందేశాన్ని పంపితే 24 గంటల సేవలతో పీఎఫ్ ఖాతాకు సంబంధించిన ముఖ్యమైన సమాచారాన్ని పొందవచ్చు.
తాజావార్తలు
- ●OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?
- ●Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం
- ●JEE Main 2027 | జేఈఈ మెయిన్-2027 వెల్లువెత్తిన దరఖాస్తులు
- ●Revanth Reddy Gandhi Bhavan Speech | కాంగ్రెస్ జెండా మోసి రాహుల్ గాంధీని ప్రధానిని చేయడమే మన బాధ్యత
- ●Nayanthara | నయనతారకు 10 కోట్ల లగ్జరీ కారును గిఫ్ట్గా ఇచ్చిన విఘ్నేశ్ శివన్!
- ●PVNRTVU | వెటర్నరీ వర్సిటీలో 117 అధ్యాపక పోస్టులు.. సర్కార్ గ్రీన్సిగ్నల్!

OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?

Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం

JEE Main 2027 | జేఈఈ మెయిన్-2027 వెల్లువెత్తిన దరఖాస్తులు

Revanth Reddy Gandhi Bhavan Speech | కాంగ్రెస్ జెండా మోసి రాహుల్ గాంధీని ప్రధానిని చేయడమే మన బాధ్యత






