Warangal Onion Distribution | వరంగల్లో ఉచిత ఉల్లిగడ్డల పంపిణీ రచ్చ రచ్చ.. ఎగబడ్డ జనం, నేత జంప్!
తెలంగాణలో కాంగ్రెస్ 1000 రోజుల పాలన వేళ వరంగల్లో ఉచిత ఉల్లిగడ్డల పంపిణీ తీవ్ర ఉద్రిక్తతకు దారితీసింది. జనం ఎగబడటంతో నేత అక్కడి నుంచి వెళ్లిపోవాల్సి వచ్చింది.
సంక్షిప్త సారాంశం
కాంగ్రెస్ ప్రభుత్వం ఏర్పడి 1000 రోజులు పూర్తయిన సందర్భంగా వరంగల్లో కాంగ్రెస్ నేత రాజనాల శ్రీహరి ఉచితంగా ఉల్లిగడ్డల పంపిణీ చేపట్టారు. మార్కెట్లో ఉల్లి ధరలు భారీగా పెరగడంతో ఫ్రీగా ఇచ్చే ఉల్లిగడ్డల కోసం జనం ఒక్కసారిగా ఎగబడ్డారు. తీవ్ర తోపులాట జరిగి పరిస్థితి అదుపు తప్పడంతో కార్యక్రమం మధ్యలోనే నిలిచిపోయింది. పరిస్థితి ఉద్రిక్తంగా మారడంతో సదరు కాంగ్రెస్ నేత అక్కడి నుంచి వెళ్లిపోవాల్సి వచ్చింది.
Warangal Onion Distribution | త్రినేత్ర.న్యూస్ : వరంగల్ నగరంలో నిర్వహించిన ఉచిత ఉల్లిపాయల పంపిణీ కార్యక్రమం తీవ్ర ఉద్రిక్తతకు దారితీసింది. తెలంగాణలో కాంగ్రెస్ ప్రభుత్వం అధికారంలోకి వచ్చి 1000 రోజులు పూర్తయిన సందర్భంగా కాంగ్రెస్ నేత రాజనాల శ్రీహరి మంగళవారం నగరంలో ఉచితంగా ఉల్లిగడ్డలు పంచే వినూత్న కార్యక్రమాన్ని చేపట్టారు. అయితే, ఆ ఈవెంట్ కాస్తా తీవ్ర గందరగోళానికి వేదికగా మారింది.
ప్రస్తుతం ఓపెన్ మార్కెట్లో ఉల్లిపాయల ధరలు మండిపోతుండటంతో, ఫ్రీగా ఉల్లిగడ్డలు పంచుతున్నారన్న విషయం తెలిసి స్థానికులు పెద్ద సంఖ్యలో తరలివచ్చారు. ఒక్కసారిగా జనం ఉల్లిగడ్డల కోసం మీద పడటంతో తీవ్రమైన తోపులాట చోటుచేసుకుంది.
ఎవరికీ ఏమీ దక్కని రీతిలో జనం గుమిగూడటంతో పరిస్థితి నిర్వాహకుల చేతులు దాటిపోయింది. పరిస్థితి క్రమంగా అదుపు తప్పుతోందని గ్రహించిన కాంగ్రెస్ నేత రాజనాల శ్రీహరి, పంపిణీని అర్ధాంతరంగా ఆపేసి అక్కడి నుంచి వెళ్లిపోయారు. దీంతో జనాలు ఆటో ట్రాలీ ఎక్కి మరీ మిగిలిన ఉల్లిగడ్డలను ఎత్తుకెళ్లెందుకు ఎగబడ్డారు. ప్రస్తుతం ఈ గందరగోళానికి సంబంధించిన వీడియోలు సోషల్ మీడియాలో తెగ వైరల్ అవుతున్నాయి.
వరంగల్ లో ఉద్రిక్తంగా మారిన ఉచిత ఉల్లిగడ్డల పంపిణీ
కాంగ్రెస్ ప్రభుత్వం ఏర్పడి 1000 రోజులు పూర్తవడంతో ఉచిత ఉల్లిగడ్డ పంపిణీ చేసిన కాంగ్రెస్ నేత రాజనాల శ్రీహరి
ఉల్లి ధర పెరిగిపోవడంతో ఉచిత ఉల్లిగడ్డల కోసం ఎగబడ్డ జనం
పరిస్థితి అదుపుతప్పడంతో అక్కడి నుండి వెళ్లిపోయిన కాంగ్రెస్… pic.twitter.com/e3Y2yRRYUz
— TV9 Telugu (@TV9Telugu) September 1, 2026
తాజావార్తలు
- ●Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్
- ●Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్
- ●IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ
- ●MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు
- ●Elderly couple death | వృద్ధాప్య సమస్యలతో భర్త మృతి.. తట్టుకోలేక గంటల వ్యవధిలోనే భార్య కన్నుమూత
- ●Indus Water | సింధూ జలాల ఒప్పందంపై మా వైఖరి స్పష్టంగా ఉంది : భారత్

Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్

Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్

IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ

MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు



