UP Police Viral Video | రక్షణ కల్పించాల్సింది పోయి రికార్డింగ్స్ ఏంటి?: కాశీలో డ్యాన్సర్లను వీడియో తీసిన యూపీ పోలీసులు.. నెటిజన్లు ఫైర్

UP Police Viral Video | త్రినేత్ర న్యూస్ : ప్రజలకు భద్రత కల్పించాల్సిన రక్షక భటులే తమ కర్తవ్యాన్ని పక్కనపెట్టి వీడియోలు తీసుకోవడంలో మునిగిపోతే ఎలా ఉంటుంది? సరిగ్గా ఇలాంటి ఘటనే ప్రధాని నరేంద్ర మోదీ లోక్‌సభ నియోజకవర్గమైన వారణాసి (కాశీ)లో చోటుచేసుకుంది. లాట్ భైరవ్ ఆలయ వార్షిక ఉత్సవాల్లో బందోబస్తు కోసం వచ్చిన ఉత్తరప్రదేశ్ పోలీసులు.. వేదికపై మహిళా డ్యాన్సర్లు చేస్తున్న నృత్యాన్ని తమ స్మార్ట్‌ఫోన్లలో వీడియోలు తీస్తూ కెమెరాలకు చిక్కారు. ఈ దృశ్యాలు కాస్తా సోషల్ మీడియాలో ప్రత్యక్షం కావడంతో నెటిజన్లు ఖాకీల ప్రవర్తనపై తీవ్రస్థాయిలో విరుచుకుపడుతున్నారు.

భద్రతను మరిచి మొబైల్స్‌తో బిజీ

లాట్ భైరవ్ ఆలయ ప్రాంగణంలో సాంప్రదాయక ‘బాబా లాట్ భైరవ్ వివాహ ఉత్సవ్’, బారాత్ ఊరేగింపు వేడుకలు ఘనంగా జరిగాయి. రాత్రి వేళ భారీగా తరలివచ్చిన భక్తులు, స్థానికుల సమక్షంలో భోజ్‌పురి గీతాలకు మహిళా కళాకారులు రంగురంగుల దుస్తుల్లో డ్యాన్స్ పర్ఫార్మెన్స్ ఇచ్చారు. ఆ సమయంలో శాంతిభద్రతలను పర్యవేక్షించాల్సిన పలువురు యూనిఫాం ధరించిన పోలీసులు, రక్షణ చర్యలను పక్కనపెట్టి తమ చేతుల్లోని ఫోన్లతో డ్యాన్సర్లను రికార్డ్ చేయడంలో మునిగిపోయారు. మరికొందరు అధికారులు అక్కడే కూర్చుని డ్యాన్స్ చూస్తూ ఉండిపోయారు.

సోషల్ మీడియాలో తీవ్ర ఆగ్రహం..

ఈ వీడియోలను పలువురు ప్రముఖులు, జర్నలిస్టులు ఎక్స్ వేదికగా షేర్ చేయడంతో వివాదం రాజుకుంది. జర్నలిస్ట్ పీయూష్ రాయ్ స్పందిస్తూ.. విధులు నిర్వర్తించాల్సిన పోలీసులు మహిళల డ్యాన్స్‌లను రికార్డ్ చేయడంలో బిజీగా ఉన్నారని పేర్కొన్నారు. మహిళల భద్రతను కాపాడాల్సిన వారే ఇలా వ్యవహరించడం తీవ్ర ఆందోళన కలిగిస్తోందని చరిత్రకారిణి రుచికా శర్మ అసహనం వ్యక్తం చేశారు. ఫ్యాక్ట్ చెకర్ మహమ్మద్ జుబేర్ సైతం ఈ వీడియోను పంచుకుంటూ దేశ ప్రధాని ప్రాతినిధ్యం వహిస్తున్న నియోజకవర్గంలో పోలీసింగ్ ప్రమాణాలు ఇలా ఉన్నాయా అని ప్రశ్నించారు.

నెటిజన్లు కూడా "ఇదా కొత్త భారతం?", "వీరి భద్రత చూసి ఎస్పీజీ (SPG) కూడా ఆశ్చర్యపోవాల్సిందే" అంటూ ఘాటుగా కామెంట్లు చేస్తున్నారు. గతంలోనూ ఇలాంటి ప్రజా ఉత్సవాల్లో పోలీసుల పనితీరుపై ప్రశ్నలు తలెత్తిన విషయాన్ని పలువురు గుర్తుచేస్తున్నారు. కాగా, నెట్టింట దుమారం రేపుతున్న ఈ వీడియోలపై ఉత్తరప్రదేశ్ పోలీస్ యంత్రాంగం నుంచి ఇప్పటివరకు ఎలాంటి అధికారిక వివరణ రాలేదు.

This is from Banaras, Lok Sabha Constituency of PM Modi. You can see several policemen deployed at Lat Bhairav temple complex for protection are seen holding mobile phones, filming the dance by the female dancers. pic.twitter.com/s1KIo5RN2T

— Mohammed Zubair (@zoo_bear) September 29, 2026

Visuals from the constituency of the Prime Minister of India https://t.co/wIqFJokokw pic.twitter.com/SVw9WEAOQL

— Piyush Rai (@Benarasiyaa) September 29, 2026

Men from UP police busy watching and recording women performers during the traditional Baba Lat Bhairav baarat procession in Varanasi. pic.twitter.com/x9ElzqINSR

— Piyush Rai (@Benarasiyaa) September 29, 2026

New Spiritual Journey in New India.

Started during Kanwar Yatra, spread like a wildfire and now it’s so "Precious" that it literally requires heavy police protection.

Even SPG would be stunned by this level of security cover. 🤦‍♂️

Cultural Shock is officially Over. pic.twitter.com/RnQuZBIhwN

— D (@Deb_livnletliv) September 28, 2026