Yemeni Acrobat Death | సోషల్ మీడియా పిచ్చికి మరో బలి.. వ్యూస్ కోసం అగ్నిపర్వతం ఎక్కిన యువకుడు.. చివరకు ఏమైందంటే!

Yemeni Acrobat Death | త్రినేత్ర.న్యూస్ : సోషల్ మీడియాలో (Social Media) ఫాలోవర్లను పెంచుకోవడానికి, వ్యూస్ కోసం ప్రాణాలకు తెగించి విన్యాసాలు చేసే వారి సంఖ్య రోజురోజుకూ పెరుగుతోంది. తాజాగా యెమెన్‌కు (Yemen) చెందిన ఫేమస్ అక్రోబాట్ (Acrobat) 'అల్-కఖా బిన్ అంతర్' ఇలాంటి ప్రయత్నమే చేసి దారుణంగా ప్రాణాలు కోల్పోయాడు. హరాద్ దమ్త్ అగ్నిపర్వతం అంచుపై సాహసం చేస్తుండగా అదుపుతప్పి అందులో పడిపోయాడు. అరబ్ దేశాలతో పాటు ప్రపంచవ్యాప్తంగా ఉన్న అతని అభిమానులను ఈ ఘటన తీవ్ర దిగ్భ్రాంతికి గురిచేసింది.

కెమెరా ముందే ఘోరం

అంతర్‌కు ప్రమాదకరమైన ప్రదేశాల్లో స్టంట్స్ (Stunts) చేయడం కొత్తేం కాదు. కానీ ఈసారి అగ్నిపర్వతం అంచుపై ఎలాంటి సేఫ్టీ గేర్ (Safety equipment) లేకుండా నడవడమే అతని పాలిట శాపంగా మారింది. పైగా ఆ అగ్నిపర్వతం అంచులు నిటారుగా ఉండటం, రాళ్లు వదులుగా ఉండటంతో అతను ఒక్కసారిగా అదుపుతప్పి లోపలికి పడిపోయాడు. ఇదంతా వీడియోలో స్పష్టంగా రికార్డ్ అయింది. మొదట ఈ వీడియో చూసిన నెటిజన్లు ఇది కూడా అతని రెగ్యులర్ స్టంట్ అనుకున్నారు, కానీ ఆ తర్వాత అది అతని చివరి వీడియో అని తెలిసి షాక్ అయ్యారు.

అభిమానుల ఒత్తిడే కారణమా?

అంతర్ మృతితో సోషల్ మీడియాలో తీవ్ర విషాదం నెలకొంది. అతను గతంలో చేసిన సాహసాల వీడియోలను షేర్ చేస్తూ పలువురు నివాళులర్పిస్తున్నారు. అయితే, నెట్టింట మరింత వైరల్ కంటెంట్ (Viral content) క్రియేట్ చేయాలనే అభిమానుల ఒత్తిడి వల్లే అతను ఇలా శృతి మించి ప్రాణాల మీదకు తెచ్చుకున్నాడా అనే చర్చ కూడా నడుస్తోంది.

కళ్లు తెరిపిస్తున్న నెగెటివ్ ట్రెండ్

వ్యూస్ (Views), లైక్‌ల కోసం ప్రాణాలు పోగొట్టుకున్న వారిలో అంతర్ మొదటివాడేమీ కాదు. కొండ చరియల వద్ద సెల్ఫీలు, ఎత్తైన భవనాలపై వీడియోలు, రైల్వే ట్రాక్‌ల మీద రీల్స్ చేస్తూ ఎంతోమంది ప్రాణాలు వదులుతున్నారు. ఇలాంటి ప్రమాదకరమైన పనుల పట్ల అధికారులు పదేపదే హెచ్చరిస్తున్నా పరిస్థితి మారడం లేదు. స్మార్ట్‌ఫోన్ కెమెరా ఆన్ చేసి గంటల్లో గ్లోబల్ స్టార్స్ అయిపోవాలనే ఆరాటంలో యువత చేస్తున్న చిన్న తప్పులు, ప్రాణాలను బలితీసుకుంటున్నాయనడానికి ఈ ఘటనే ప్రత్యక్ష ఉదాహరణ.

Tragic End of the Yemeni Spider-Man After Deadly Fall Into Volcanic Crater !
Yemeni Spider-Man, fell into the hot sulfuric waters inside the crater of the Dhamt volcano while attempting another daring climb. He had recently gained attention on social media for performing risky… pic.twitter.com/2WDRMSchbu

— Dharm (@dhram00) June 14, 2026