TG Weather | తెలంగాణ 30 దాకా వాన‌లు.. ఎల్లో అలెర్ట్ జారీ చేసిన ఐఎండీ

TG Weather | తెలంగాణ వాసుల‌కు వాతావ‌ర‌ణ‌శాఖ హై అలెర్ట్ జారీ చేసింది. ఈ నెలాఖ‌రు వ‌ర‌కు ఉరుములు, మెరుపుల‌తో పాటు ప‌లు చోట్ల వ‌డ‌గ‌ళ్ల వ‌ర్షం కురిసే అవ‌కాశాలున్నాయ‌ని హెచ్చ‌రించింది. రాబోయే రెండురోజుల్లో గ‌రిష్ట ఉష్ణోగ్ర‌త‌లు సాధార‌ణ స్థాయి కంటే ఒక‌టి నుంచి రెండు డిగ్రీలు త‌క్కువ‌గా ఉండే అవ‌కాశం ఉంద‌ని, ఆ త‌ర్వాత నాలుగు నాలుగు రోజుల్లో పెరిగే అవ‌కాశాలున్నాయ‌ని పేర్కొంది. మంగ‌ళ‌వారం ఆదిలాబాద్‌, కొమురంభీం ఆసిఫాబాద్‌, నిర్మ‌ల్‌, నిజామాబాద్‌, వికారాబాద్‌, సంగారెడ్డి, మెద‌క్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్ జిల్లాల్లో అక్క‌డ‌క్క‌డ వ‌ర్షాలు కురిసే అవ‌కాశం ఉంద‌ని తెలిపింది.

బుధ‌వారం భూపాల‌ప‌ల్లి, ములుగు, కొత్త‌గూడెం, ఖ‌మ్మం జిల్లాల్లో.. గురువారం ఆసిఫాబాద్‌, మంచిర్యాల‌, భూపాల‌ప‌ల్లి, ములుగు, కొత్త‌గూడెం, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్ జిల్లాలో అక్క‌డ‌క్క‌డ ఈదురుగాలుల‌తో వ‌ర్షాలు ప‌డుతాయ‌ని అంచ‌నా వేసింది. శుక్ర‌వారం ఆదిలాబాద్‌, ఆసిఫాబాద్‌, మంచిర్యాల‌, నిర్మ‌ల్‌, భూపాల‌ప‌ల్లి, ములుగు, కొత్త‌గూడెం, ములుగు, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, జ‌న‌గాం, సిద్దిపేట‌, యాదాద్రి భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్ జిల్లాల్లో అక్క‌డ‌క్కడ వాన‌లు కురుస్తాయ‌ని తెలిపింది. శ‌ని, ఆదివారాల్లో రాష్ట్రవ్యాప్తంగా అక్క‌డ‌క్క‌డ వ‌ర్షాలు కురుస్తాయ‌ని వివ‌రించింది.