TG Weather Update | ఉత్త‌ర తెలంగాణ‌లో వ‌డ‌గాలులు.. ప‌లుచోట్ల వ‌ర్షాలు.. హెచ్చ‌రించిన ఐఎండీ..!

TG Weather Update | తెలంగాణ‌లో రాగ‌ల రెండులు ప‌లుచోట్ల తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం హెచ్చ‌రించింది. ఓ వైపు రాష్ట్రంలో ఎండ‌లు దంచికొడుతున్న విష‌యం తెలిసిందే. అదే స‌మ‌యంలో రాబోయే రెండురోజుల్లో గ‌రిష్ట ఉష్ణోగ‌త్ర‌లు ఒక‌టి నుంచి రెండు డిగ్రీలు పెరిగే అవ‌కాశాలున్నాయ‌ని వాతావ‌ర‌ణ‌శాఖ పేర్కొంది. ప‌లుచోట్ల వ‌డ‌గాలులు వీస్తాయ‌ని తెలిపింది. బుధ‌వారం వికారాబాద్‌, సంగారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణపేట‌, జోగులాంబ గ‌ద్వాల జిల్లాల్లో అక్క‌డ‌క్క‌డ వ‌ర్షాలు కురిసే అవ‌కాశాలున్నాయ‌ని చెప్పింది.

అలాగే, ఆదిలాబాద్‌, ఆసిఫాబాద్, మంచిర్యాల‌, నిజామాబాద్ జిల్లాలో వ‌డ‌గాలులు వీస్తాయ‌ని హెచ్చ‌రించింది. గురువారం వికారాబాద్‌, సంగారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణ‌పేట‌, జోగులాంబ గద్వాల జిల్లాల్లో ఉరుములు, మెరుపులు, గంట‌కు 40-50 కిలోమీట‌ర్ల వేగంతో ఈదురుగాలులు వీస్తూ వాన‌లు ప‌డే అవ‌కాశాలున్నాయ‌ని చెప్పింది. ఆసిఫాబాద్‌, మంచిర్యాల‌, జ‌గిత్యాల‌, రాజ‌న్న సిరిసిల్ల‌, క‌రీంన‌గ‌ర్‌, పెద్ద‌ప‌ల్లి, క‌రీంన‌గ‌ర్‌, పెద్ద‌ప‌ల్లి, కొత్త‌గూడెం, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్‌, వ‌రంగ‌ల్‌, హ‌న్మ‌కొండ‌, జ‌న‌గాం, యాదాద్రి భువ‌న‌గిరిలో వ‌డ‌గాలులు కొన‌సాగుతాయ‌ని చెప్పింది.

శుక్ర‌వారం ఆదిలాబాద్‌, ఆసిఫాబాద్‌, మంచిర్యాల‌, క‌రీంన‌గ‌ర్‌, భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్‌, వ‌రంగ‌ల్‌, హ‌న్మ‌కొండ‌, జ‌న‌గాం, నాగ‌ర్ క‌ర్నూల్‌, వ‌న‌ప‌ర్తి జిల్లాల్లో అక్క‌డ‌క్క‌డ వ‌డ‌గాలులు వీస్తాయ‌ని వివ‌రించింది. శ‌ని, ఆదివారాల్లో మంచిర్యాల‌, క‌రీంన‌గ‌ర్‌, భూపాల‌ప‌ల్లి, ములుగు, ఖ‌మ్మం, సూర్యాపేట‌, మ‌హ‌బూబాబాద్‌, వ‌రంగ‌ల్‌, హ‌న్మ‌కొండ‌, జ‌న‌గాం జిల్లాల్లో ప‌లుచోట్ల వ‌డ‌గాలులు వీస్తాయ‌ని వాతావ‌ర‌ణ శాఖ పేర్కొంది. ఈ మేర‌కు ఆయా జిల్లాల‌కు వాతావ‌ర‌ణ‌శాఖ ఎల్లో అలెర్ట్ జారీ చేసింది. అదే స‌మ‌యంలో రాగ‌ల నాలుగు రోజులు ప‌లు జిల్లాల్లో 41 నుంచి 44 డిగ్రీల వ‌ర‌కు ఉష్ణోగ్ర‌త‌లు న‌మోద‌య్యే ఛాన్స్ ఉంద‌ని ఐఎండీ హెచ్చ‌రించింది.