Telangana Municipal Election Results 2026 | మున్సిపల్ పీఠాలపై ‘హస్తం’ జెండా.. లాటరీలోనూ కాంగ్రెస్‌దే లక్కు..!

Telangana Municipal Election Results 2026 | త్రినేత్ర.న్యూస్ : రాష్ట్రంలో వాయిదా పడిన మున్సిపల్ ఛైర్మన్, వైస్ ఛైర్మన్ ఎన్నికల్లో అధికార కాంగ్రెస్ పార్టీ తన ఆధిపత్యాన్ని ప్రదర్శించింది. మొత్తం 11 మున్సిపాలిటీలకు గాను మంగళవారం జరిగిన ఎన్నికల్లో మెజారిటీ స్థానాలను హస్తం పార్టీ కైవసం చేసుకుంది. ఉత్కంఠభరితంగా సాగిన ఈ పోరులో జనగామ, తొర్రూరు వంటి కీలక మున్సిపాలిటీలు 'లాటరీ' ద్వారా కాంగ్రెస్ వశం కావడం విశేషం.

కాంగ్రెస్‌కు బంపర్ డ్రా

నేడు 8 మున్సిపాలిటీల ఫలితాలు వెలువడగా, అందులో ఏకంగా 7 చోట్ల కాంగ్రెస్ పార్టీ విజయకేతనం ఎగురవేసింది. బలాబలాలు సమానంగా ఉన్న చోట నిర్వహించిన 'లాటరీ' కూడా కాంగ్రెస్‌కే కలిసొచ్చింది. కాంగ్రెస్ గెలుచుకున్న మున్సిపాలిటీలు (7) ఇల్లందు, సుల్తానాబాద్, కాగజ్‌నగర్, జహీరాబాద్ , డోర్నకల్, తొర్రూరు (లాటరీ ద్వారా విజయం), జనగామ (లాటరీ ద్వారా విజయం).

బీఆర్ఎస్ ఖాతాలో ఒక్కటే

సంగారెడ్డి జిల్లా ఇంద్రేశం మున్సిపాలిటీని మాత్రం బీఆర్ఎస్ దక్కించుకుంది. ఇక్కడ బీఆర్ఎస్ అభ్యర్థి విజయం సాధించారు.

వాయిదా పడినవి మూడు

మొత్తం 11 మున్సిపాలిటీలలో 8 చోట్ల ఫలితాలు రాగా, కోరం లేకపోవడం లేదా ఇతర కారణాల వల్ల మరో 3 చోట్ల ఇబ్రహీంపట్నం, క్యాతనపల్లి, ఖానాపూర్ ఎన్నికలు వాయిదా పడ్డాయి. మొత్తానికి వాయిదా పడిన ఎన్నికల్లోనూ కాంగ్రెస్ పార్టీ స్పష్టమైన ఆధిక్యాన్ని కనబరిచి, స్థానిక సంస్థలపై పట్టు నిలుపుకుంది.