KTR | జూన్ 6న మ‌లేషియాలో రాష్ట్ర ఆవిర్భావ దినోత్స‌వ వేడుక‌లు.. కేటీఆర్‌కు ఆహ్వానం

KTR | త్రినేత్ర‌.న్యూస్ : బీఆర్ఎస్ మ‌లేషియా ఆధ్వ‌ర్యంలో జూన్ 6వ తేదీన కౌలాలంపూర్‌లోని మాట్రేడ్ ఎగ్జిబిష‌న్ అండ్ క‌న్వెన్ష‌న్ సెంట‌ర్‌లో తెలంగాణ ఆవిర్భావ దినోత్స‌వ వేడుక‌ల‌ను నిర్వ‌హించ‌నున్నారు.

ఈ సందర్భంగా బీఆర్‌ఎస్ ఎన్‌ఆర్‌ఐ గ్లోబల్ కోఆర్డినేటర్ మహేష్ బిగాల ఆధ్వర్యంలో బీఆర్‌ఎస్ మలేషియా ప్రతినిధులు మారుతి కుర్మా, చిట్టిబాబు, శ్రీధర్, ప్రియా తదితరులు బీఆర్‌ఎస్ వర్కింగ్ ప్రెసిడెంట్ కేటీఆర్‌ను కలిసి వేడుకలకు ముఖ్య అతిథిగా హాజరుకావాలని ఆహ్వానించారు. ఈ ఆహ్వానాన్ని కేటీఆర్ స్వీకరించి, జూన్ 6న మలేషియాలో జరిగే తెలంగాణ ఆవిర్భావ దినోత్సవ వేడుకలకు హాజరవుతున్నట్లు ధృవీకరించారు.

ఈ సమావేశంలో ఎమ్మెల్సీ ఎల్. రమణ, మాజీ ఎమ్మెల్యే జి. కిషోర్‌తో పాటు త‌దిత‌రులు పాల్గొన్నారు. తెలంగాణ, తెలుగు ప్రజలను ఒక వేదికపైకి తీసుకువచ్చి, ఈ చారిత్రాత్మక వేడుకలను అత్యంత ఘనంగా నిర్వహించేందుకు బీఆర్‌ఎస్ మలేషియా విస్తృత ఏర్పాట్లు చేస్తోంది.