Dasoju Sravan Kumar | సీఎం కుర్చీకున్న విలువ‌ను రేవంత్ నాశ‌నం చేస్తున్నారు… దాసోజు ఫైర్‌

సర్పంచ్లకు నేర్పుతున్నది గ్రామ స్వరాజ్యమా.. బూతు సామ్రాజ్యమా.. ప్రభుత్వ వైఫల్యాలను ఎత్తిచూపితే తట్టుకోలేకపోతున్నాడు ప్రజల సొమ్ముతో తాతామనవడు ఆటలాడుకోవడం నేరం కాదా అవినీతిమయంగా గడిచిన 24 నెలల పాలన ముఖ్యమంత్రికి బహిరంగ లేఖ విడుదల చేసిన ఎమ్మెల్సీ దాసోజు శ్రవణ్ Dasoju Sravan Kumar | ముఖ్యమంత్రి (CM) రేవంత్రెడ్డి (Revanth Reddy) వినియోగిస్తున్న భాష మనిషి భాషలా లేదని, సభ్య సమాజం అసహ్యించుకునే నీచమైన పశుభాషలా ఉందని బీఆర్ఎస్ (BRS) నాయకుడు, ఎమ్మెల్సీ (MLC) దాసోజు శ్రవణ్ కుమార్ (Dasoju Sravan Kumar) మండిపడ్డారు. ఒక రాష్ట్రానికి ముఖ్యమంత్రి అనే విషయాన్ని మర్చిపోయి, బాధ్యత గల పదవిలో ఉండి కూడా వీధి రౌడీల కంటే హీనంగా మాట్లాడుతున్నారని నిప్పులు చెరిగారు. కొడంగల్ వేదికగా సర్పంచ్లతో నిర్వహించిన సమావేశంలో తెలంగాణ ఆత్మగౌరవాన్ని దిగజార్చుతూ సీఎం కుర్చీకున్న విలువను సర్వనాశనం చేస్తున్నారని ఆవేదన వ్యక్తం చేశారు. నూతనంగా ఎన్నికైన సర్పంచ్లకు ఆయన నేర్పుతున్నది గ్రామ స్వరాజ్యమా లేక బూతుల సామ్రాజ్యమా అని ప్రశ్నించారు. సీఎం రేవంత్రెడ్డికి దాసోజు బహిరంగ లేఖ విడుదల చేశారు. రాజ్యాంగ విలువలు, ప్రజాస్వామ్య సంస్కారం, అభివృద్ధిని విస్మరించి అహంకారపు బూతు భాషా పాలనకు దిగజారిన రేవంత్ వైఖరి పట్ల నిరసనగా, దిగజారిన ఆయన రాజకీయ ధోరణిపై జాలితో ఈ లేఖ రాస్తున్నట్లు వివరించారు. దాసోజు విడుదల చేసిన బహిరంగ లేఖ