Turmeric | కేస‌ముద్రం మార్కెట్‌లో ప‌సుపున‌కు రికార్డు స్థాయి ధ‌ర‌

Turmeric | త్రినేత్ర న్యూస్ : మహబుబాబాద్ జిల్లా కేసముద్రం వ్యవసాయ మార్కెట్లో మంగ‌ళ‌వారం పసుపు( Turmeric )నకు రికార్డుస్థాయిలో ధర నమోదైంది. జిల్లాకు చెందిన ఏడుగురు రైతులు కాడిర‌కం ప‌సుపును 69 బ‌స్తాల్లో, మ‌రో ముగ్గురు రైతులు గోళ‌ర‌కం ప‌సుపును 30 బ‌స్తాల్లో తీసుకువ‌చ్చారు. ఈ వేలంలో కాడిర‌కం ప‌సుపు క్వింటాకు గ‌రిష్ఠంగా రూ. 19,253, క‌నిష్ఠంగా రూ. 15,589గా ప‌లికింది. ఇక గోళ‌ర‌కం ప‌సుపు గ‌రిష్ఠంగా రూ. 18,566, క‌నిష్ఠంగా రూ. 8,506గా ధ‌ర ప‌లికింది. అయితే వ్యాపారులు కాడిర‌కం పసుపును రూ. 19,252కు, గోళ‌ర‌కం పసుపును రూ. 17,469కి కొనుగోలు చేశారు.