TG Weather | తెలంగాణ‌లో మ‌ళ్లీ వాన‌లు.. హెచ్చ‌రించిన వాతావ‌ర‌ణ‌శాఖ‌..!

TG Weather | తెలంగాణ‌లో రాగ‌ల ఐదురోజులు వ‌ర్షాలు కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం వెల్ల‌డించింది. ఉరుముల‌, మెరుపులు, ఈదురుగాలుల‌తో కూడిన వాన‌లు ప‌డే సూచ‌న‌లున్నాయ‌ని తెలిపింది. ఈ మేర‌కు ఆయా జిల్లాల‌కు ఎల్లో హెచ్చ‌రిక జారీ చేసింది. రాగ‌ల మూడురోజుల్లో ఉష్ణోగ్ర‌త‌లు రెండు నుంచి మూడు డిగ్రీల వ‌ర‌కు త‌గ్గుతాయ‌ని పేర్కొంది. అలాగే, ప‌లుచోట్ల తేలిక‌పాటి నుంచి మోస్త‌రు వ‌ర్షాలు ప‌డే అవ‌కాశం ఉంద‌ని చెప్పింది. బుధ‌వారం ఆదిలాబాద్‌, ఆసిఫాబాద్‌, నిర్మ‌ల్‌, ఖ‌మ్మం, సూర్యాపేట‌, మ‌హ‌బూబాబాద్‌, నాగ‌ర్ క‌ర్నూల్, పెద్ద‌ప‌ల్లి, భూపాల‌ప‌ల్లి, ములుగు, కొత్త‌గూడెం, వ‌రంగ‌ల్‌, హ‌నుమ‌కొండ‌, జ‌న‌గాం, రంగారెడ్డి, మ‌హ‌బూబ్‌న‌గ‌ర్ జిల్లాల్లో గంట‌కు 30 నుంచి 50 కిలోమీట‌ర్ల వేగంతో ఈదురుగాలుల‌తో వాన‌లు ప‌డే ఛాన్స్ ఉంద‌ని తెలిపింది.

గురువారం నిజామాబాద్‌, భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, జ‌న‌గాం, సిద్దిపేట‌, యాదాద్రి భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్ జిల్లాల్లో వ‌ర్షాలు ప‌డే అవ‌కాశం ఉంద‌ని పేర్కొంది. శుక్ర‌వారం ఆదిలాబాద్‌, ఆసిఫాబాద్‌, మంచిర్యాల‌, నిర్మ‌ల్‌, నిజామాబాద్‌, జ‌గిత్యాల‌, రాజ‌న్న సిరిసిల్ల‌, మెద‌క్ కామారెడ్డి జిల్లాల్లో వాన‌లు ప‌డే సూచ‌న‌లున్నాయ‌ని వివ‌రించింది.

శ‌నివారం మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, జ‌న‌గాం, సిద్దిపేట‌, భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి జిల్లాల్లో.. ఆదివారం పెద్ద‌ప‌ల్లి, భూపాల‌ప‌ల్లి, మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, జ‌న‌గాం, సిద్దిపేట‌, యాదాద్రి భువ‌న‌గిరి జిల్లాల్లో వ‌ర్షాలు కురుస్తాయ‌ని హెచ్చ‌రించింది. ఇదిలా ఉండ‌గా.. రాష్ట్రంలో వింత వాతావ‌ర‌ణం ఏర్ప‌డుతోంది. ఓ వైపు ఎండ‌లు దంచికొడుతుండ‌గా.. మ‌రో వైపు వాన‌లు ప‌డుతున్నాయి. రాష్ట్రంలో ప‌లుచోట్ల భారీ ఉష్ణోగ్ర‌త‌లు న‌మోద‌వుతున్నాయి. అన్ని జిల్లాల్లో 40 డిగ్రీల‌కుపైగా రికార్డ‌వ‌గా.. అత్య‌ధికంగా నిజామాబాద్ జిల్లా మెండోరాలో 45.4 డిగ్రీలు గ‌రిష్ట ఉష్ణోగ్ర‌త‌లు న‌మోద‌య్యాయ‌ని వాతావ‌ర‌ణ‌శాఖ వివ‌రించింది.