Mamidi Rama Reddy Padma Shri 2026 | మామిడి రామారెడ్డికి పద్మశ్రీ.. గర్వంగా ఉందన్న భార్య: “ఆయన సేవలకు దక్కిన గుర్తింపు ఇది”

Mamidi Rama Reddy Padma Shri 2026 | త్రినేత్ర.న్యూస్ : తెలంగాణకు చెందిన ప్రముఖ సామాజిక కార్యకర్త, 'సహ వికాస' సంస్థ వ్యవస్థాపకులు మామిడి రామారెడ్డి (మరణానంతరం)కి కేంద్ర ప్రభుత్వం పద్మశ్రీ పురస్కారాన్ని ప్రకటించడం పట్ల సర్వత్రా హర్షం వ్యక్తం అవుతోంది. పశుసంవర్ధక, పాడి పరిశ్రమ రంగాల్లో ఆయన చేసిన విశేష కృషికి గాను ఈ గౌరవం దక్కింది.

ఈ సందర్భంగా ఆయన భార్య మాట్లాడుతూ.. తన ఆనందాన్ని పంచుకున్నారు. "పాడి పరిశ్రమ, పశుపోషణ రంగాల్లో ఆయన చేసిన సేవలను గుర్తించి కేంద్ర ప్రభుత్వం పద్మశ్రీ అవార్డును అందించడం నాకు చాలా సంతోషంగా ఉంది. ఆయన భార్యగా నేను ఎంతో గర్వపడుతున్నాను. ఆయన జీవనశైలి చాలా క్రమశిక్షణతో ఉండేది, సమయపాలనను ఖచ్చితంగా పాటించేవారు. ఎంతోమందికి ఆయన చేసిన నిస్వార్థ సేవలే ఈరోజు ఈ గొప్ప గుర్తింపును తెచ్చిపెట్టాయని నేను భావిస్తున్నాను." అని ఆమె భావోద్వేగానికి లోనయ్యారు.

అట్టడుగు స్థాయి నుంచి శిఖరాగ్రానికి..

మరణానంతరం ఈ పురస్కారానికి ఎంపికైన రామారెడ్డి, సహకార సంస్థల ద్వారా వేలాది మంది పాడి రైతుల జీవితాల్లో వెలుగులు నింపారు. ముఖ్యంగా గ్రామీణ మహిళలను పాడి పరిశ్రమ వైపు ప్రోత్సహించి, వారికి ఆర్థిక భరోసా కల్పించడంలో ఆయన చేసిన కృషి మరువలేనిది.

https://x.com/ANI/status/2015415640979583215