Rainfall | 16 నుంచి వారం రోజుల‌పాటు వాన‌లు.. ప‌లు జిల్లాల‌కు ఎల్లో అల‌ర్ట్‌

Rainfall | త్రినేత్ర‌.న్యూస్‌: రాష్ట్రంలో ఈ నెల 16 నుంచి వారం రోజుల‌పాటు తేలిక‌పాటి నుంచి మోస్త‌రు వ‌ర్షాలు (Rainfall) కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం (IMD Hyderabad) తెలిపింది. మార్చి 23 వ‌ర‌కు వాన‌లు కురుస్తాయ‌ని వెల్ల‌డించింది. ఆగ్నేయ దిశ నుంచి వీస్తున్న తేమ గాలులు వీస్తుండ‌టంతో వాతావరణంలో మార్పులు చోటుచేసుకుంటున్నాయని, దీంతో వ‌ర్షాలు కురుస్తాయ‌ని పేర్కొంది.

15, 16 తేదీల్లో ఆదిలాబాద్‌, కుమ్రం భీం ఆసిఫాబాద్‌, మంచిర్యాల, నిర్మల్‌, నిజామాబాద్‌, జగిత్యాల, రాజన్నసిరిసిల్ల, కరీంనగర్‌, పెద్దపల్లి, జయశంకర్‌ భూపాలపల్లి, ములుగు, భద్రాద్రి కొత్తగూడెం, నల్లగొండ, సూర్యాపేట తదితర జిల్లాల్లో ఉరుములు, మెరుపులు, ఈదురుగాలులతో కూడిన భారీ వర్షాలు కురుస్తాయని హెచ్చరించింది. దీంతో ఆయా జిల్లాలకు ఎల్లో అలర్ట్‌ జారీ చేసింది. ప్ర‌స్తుతం 30 నుంచి 40 డిగ్రీల మ‌ధ్య ప‌గ‌టి ఉష్ణోగ్ర‌త‌లు న‌మోద‌వుతున్నాయ‌ని, వ‌ర్షాల వ‌ల్ల‌ గరిష్ఠ ఉష్ణోగ్రతలు స్వల్పంగా తగ్గే అవకాశం ఉందని తెలిపింది.

ఇవికూడా చ‌ద‌వండి..

అక‌డ‌మిక్ ప‌రీక్ష‌లు ముగుస్తున్నాయి.. ఇక ఎంట్రెన్స్ ఎగ్జామ్స్ వంతు.. ఏ Exam ఎప్పుడంటే?

నేను కృష్ణ అభిమానిని.. లారీ ఎక్కి వనపర్తికి వెళ్లి సినిమాలు చూసేవాడిని : రేవంత్ రెడ్డి