Entrance Exams | అక‌డ‌మిక్ ప‌రీక్ష‌లు ముగుస్తున్నాయి.. ఇక ఎంట్రెన్స్ ఎగ్జామ్స్ వంతు.. ఏ Exam ఎప్పుడంటే?

Entrance Exams | త్రినేత్ర‌.న్యూస్‌: రాష్ట్రంలో ఇంట‌ర్ ప‌రీక్ష‌లు (Inter Exams) ముగియ‌నున్నాయి. ప‌దో త‌ర‌గ‌తి ప‌రీక్ష‌లు మొద‌ల‌వుతున్నాయి. త్వ‌ర‌లో డిగ్రీ ప‌రీక్ష‌లు కూడా ప్రారంభం కానున్నాయి. ఈ నేప‌థ్యంలో ఉన్న‌త విద్య‌లో ప్ర‌వేశాల‌కు నిర్వ‌హించే వివిధ ఎంట్రెన్స్ ఎగ్జామ్స్ (Entrance Exams) తేదీలను తెలంగాణ ఉన్న‌త విద్యా మండ‌లి (TGCHE) ఇప్ప‌టికే ప్ర‌క‌టించింది. ఇంట‌ర్ విద్యార్థుల‌కు ప‌రీక్ష‌లు ముగుస్తున్న నేప‌థ్యంలో ప్ర‌వేశ ప‌రీక్ష‌ల తేదీల‌ను మ‌రోసారి చూద్దాం..

ప్ర‌వేశ ప‌రీక్ష‌లు-2026

TG EAPCET (Engineering)- ఇంట‌ర్‌ (MPC)- ఎంట్రెన్స్ ఎగ్జామ్ మే 9, 10, 11 తేదీల్లో. ద‌ర‌ఖాస్తు గ‌డువు ఏప్రిల్ 4.

TG EAPCET (Agri/Pharma)- ఇంట‌ర్ (BiPC). మే 4, 5 తేదీల్లో ప్ర‌వేశ ప‌రీక్ష నిర్వ‌హిస్తారు. ఏప్రిల్ 4 వ‌రకు ద‌ర‌ఖాస్తు చేసుకోవ‌చ్చు.

TG EdCET- ఏదైనా డిగ్రీ లేదా పీజీ అర్హ‌త‌. మే 12న ప‌రీక్ష ఉంటుంది. ఏప్రిల్ 15 వ‌ర‌కు ఆన్‌లైన్‌లో ద‌ర‌ఖాస్తు చేసుకోవ‌చ్చు.

TG ICET- డిగ్రీ పూర్తీ చేసి ఉండాలి. మార్చి 16 వ‌ర‌కు ద‌ర‌ఖాస్తు చేసుకోవ‌చ్చు. మే 13, 14 తేదీల్లో ప్ర‌వేశ ప‌రీక్ష నిర్వ‌హిస్తారు.

TG ECET- డిప్లొమా లేదా బీఎస్సీ (మ్యాథ్స్‌) చేయాలి. మే 15న ప్ర‌వేశ ప‌రీక్ష‌. ఏప్రిల్ 18 వ‌రకు ఆన్‌లైన్ ద‌ర‌ఖాస్తులు అందుబాటులో ఉంటాయి.

TG LAWCET (3 ఏండ్లు)- ఏదైనా డిగ్రీ చేసిన వారు అర్హులు. ఏప్రిల్ 1 వ‌ర‌కు ఆన్‌లైన్‌లో ద‌ర‌ఖాస్తు చేసుకోవ‌చ్చు. మే 18న ఎంట్రెన్స్ ఎగ్జామ్ ఉంటుంది.

TG LAWCET (5 ఏండ్ల కోర్సు)- దీనికి ఇంట‌ర్ అర్హత‌. ఏప్రిల్ 1 వ‌ర‌కు ద‌ర‌ఖాస్తులు అందుబాటులో ఉంటాయి. ఈ ప్ర‌వేశ ప‌రీక్ష కూడా మే 18న ఉంటుంది.

TG PECET- డిగ్రీ లేదా ఇంట‌ర్ పూర్తి చేసి ఉండాలి. ద‌ర‌ఖాస్తుల‌కు మే 5 తుది గ‌డువు. మే 31, జూన్ 3 తేదీల్లో ప‌రీక్ష ఉంటుంది.

TG POLYCET- దీనికి ప‌దో త‌ర‌గ‌తి ఉత్తీర్ణులైన వారు అర్హులు. ఏప్రిల్ 20 వ‌ర‌కు ద‌ర‌ఖాస్తు స‌మ‌ర్పించ‌వ‌చ్చు. మే 13న ప‌రీక్ష నిర్వ‌హిస్తారు.

TG PGECET- ఇంజినీరింగ్‌, బీఫార్మ‌సీ పూర్తి చేసి ఉండాలి. మే 6 వ‌ర‌కు ద‌ర‌ఖాస్తులు స్వీక‌రిస్తారు. మే 28 నుంచి 31 వ‌ర‌కు ప‌రీక్ష‌లు ఉంటాయి.

TG Model School MSAT- 5 నుంచి 9వ త‌ర‌గ‌తి ఉత్తీర్ణ‌లు అర్హులు. ఇప్ప‌టికే ద‌ర‌ఖాస్తు గ‌డువు ముగిసిపోయింది. ఏప్రిల్ 19న ప్ర‌వేశ ప‌రీక్ష ఉంటుంది. దీనిద్వారా మోడ‌ల్ స్కూళ్ల‌లో 6 నుంచి 10వ త‌ర‌గ‌తి వ‌ర‌కు ప్ర‌వేశాలు క‌ల్పిస్తారు.

ఇవికూడా చ‌ద‌వండి..

నేను కృష్ణ అభిమానిని.. లారీ ఎక్కి వనపర్తికి వెళ్లి సినిమాలు చూసేవాడిని : రేవంత్ రెడ్డి

ముందే మొదలైన ఎండల భగభగ.. దేశంలో 75 శాతం ప్రజలకు తీవ్ర ముప్పు: రికార్డులు బద్దలు కొడుతున్న ఉష్ణోగ్రతలు