BRS Party | ఆరు గ్యారంటీల అమ‌లు కోసం.. స్పీక‌ర్‌కు బీఆర్ఎస్ ప్రైవేటు బిల్లు..!

BRS Party | కాంగ్రెస్ పార్టీ ఇచ్చిన ఆరు గ్యారెంటీల అమ‌లు కోసం బీఆర్ఎస్ ప్రైవేట్ మెంబ‌ర్ బిల్లును ప్ర‌వేశ‌పెట్ట‌నున్న‌ట్లు ప్ర‌క‌టించింది. ఆరు గ్యారంటీల పేరు చెప్పి అధికారంలోకి వ‌చ్చిన కాంగ్రెస్ ప్ర‌భుత్వంపై ఒత్తిడి తెచ్చేందుకు బిల్లును ప్ర‌వేశ‌పెడుతున్న‌ట్లు ఆ పార్టీ ప్ర‌క‌టించింది. ఇందులో భాగంగా ప్రైవేటు మెంబ‌ర్ బిల్లుకు సంబంధించిన నోటీసును స్పీకర్ గడ్డం ప్రసాద్ కార్యాల‌యంలో బీఆర్ఎస్ వ‌ర్కింగ్ ప్రెసిడెంట్ కేటీఆర్‌, ఆ పార్టీ ఎమ్మెల్యేలు అంద‌జేశారు. ప్రైవేటు మెంబర్ బిల్లు ద్వారా ఆరు గ్యారంటీలకు చట్టబద్ధత కల్పించే వీలు కలుగుతుందన్నారు. ఈ స‌మావేశాల్లోనే బిల్లును ప్ర‌వేశ‌పెట్ట‌డానికి అనుమ‌తించాల‌ని స్పీక‌ర్‌కు కేటీఆర్ విజ్ఞ‌ప్తి చేశారు. అసెంబ్లీ సెక్రెటరీకి కూడా బిల్లు తాలూకు నోటీసులు అందజేసిన ఎమ్మెల్యేల‌తో క‌లిసి కేటీఆర్ అంద‌జేశారు.