KTR Speech OP Jindal Global University | “స్టార్టప్ స్టేట్”గా తెలంగాణ ప్రయాణం సాగింది ఇలా

KTR Speech OP Jindal Global University | త్రినేత్ర.న్యూస్ : హర్యానాలోని సోనిపట్‌లో ఉన్న ప్రఖ్యాత ఓపీ జిందాల్ గ్లోబల్ యూనివర్సిటీలో బీఆర్ఎస్ వర్కింగ్ ప్రెసిడెంట్ కేటీఆర్ (KTR) ప్రత్యేకంగా పర్యటించారు. ఈ సందర్భంగా యూనివర్సిటీ వైస్ ఛాన్సలర్ ప్రొఫెసర్ డా.సి.రాజ్ కుమార్ ఆయనకు ఘన స్వాగతం పలికారు. వర్సిటీ క్యాంపస్‌లో ఏర్పాటు చేసిన ప్రత్యేక కార్యక్రమంలో విద్యార్థులు, అధ్యాపకులను ఉద్దేశించి కేటీఆర్ ప్రసంగించారు.

"ఇన్నోవేషన్ ఇన్ గవర్నెన్స్: ది స్టోరీ ఆఫ్ ఎ స్టార్టప్ స్టేట్"

ఈ వేదికగా “ఇన్నోవేషన్ ఇన్ గవర్నెన్స్: ది స్టోరీ ఆఫ్ ఎ స్టార్టప్ స్టేట్” అనే ఆసక్తికరమైన అంశంపై కేటీఆర్ విశిష్ట ప్రజా ఉపన్యాసం (Distinguished Public Lecture) అందించారు. తెలంగాణ ఆవిర్భావం తర్వాత రాష్ట్రంలో సంస్థల నిర్మాణం, టెక్నాలజీ ఆధారిత పాలనా విధానాలు, అందరినీ కలుపుకుపోయే సమ్మిళిత వృద్ధి (Inclusive Growth) సాధించిన తీరును ఆయన పూసగుచ్చినట్లు వివరించారు. ఈ ఇంటరాక్టివ్ సెషన్‌లో విద్యార్థులు అడిగిన పలు ప్రశ్నలకు సమాధానమిస్తూ వారిని ఉత్సాహపరిచారు.

 

ప్రతిష్టాత్మక ఆహ్వానం మేరకే పర్యటన

గతంలోనే ఓపీ జిందాల్ గ్లోబల్ యూనివర్సిటీ నుంచి కేటీఆర్‌కు ప్రత్యేకంగా ఆహ్వానం అందింది. ఆగస్టు, సెప్టెంబర్ లేదా అక్టోబర్ నెలల్లో తమ యూనివర్సిటీని సందర్శించి విద్యార్థులతో ముచ్చటించాలని వీసీ రాజ్ కుమార్ కోరడంతో పాటు.. భారతదేశపు మొదటి రాజ్యాంగ మ్యూజియం (Constitution Museum), రైట్స్ అండ్ ఫ్రీడమ్స్ అకాడమీని సందర్శించాల్సిందిగా ఆహ్వానించారు. ఈ మేరకు తాజాగా యూనివర్సిటీని సందర్శించిన కేటీఆర్.. విద్యార్థులకు తన అనుభవాలను పంచుకుంటూ దిశానిర్దేశం చేశారు.

హర్యానాలోని సోనిపట్‌లో ఉన్న ఓపీ జిందాల్ గ్లోబల్ యూనివర్సిటీకి చేరుకున్న బీఆర్ఎస్ వర్కింగ్ ప్రెసిడెంట్ @KTRBRS గారికి యూనివర్సిటీ వీసీ రాజ్ కుమార్ స్వాగతం పలికారు.

“Innovation in Governance: The Story of a Startup State” అనే అంశంపై కేటీఆర్ గారు ప్రత్యేక ఉపన్యాసం ఇవ్వనున్నారు. pic.twitter.com/cppf4gpEky

— BRS Party (@BRSparty) September 16, 2026