Kalvakuntla Kavitha | రేవంత్‌ను క‌ర్కోట‌కుడు అనాలంటే బాధ అనిపిస్తుంది : క‌విత‌

Kalvakuntla Kavitha | త్రినేత్ర‌.న్యూస్ : రాష్ట్రంలో క‌ర్కోట‌కుడి, నియంత పాల‌న న‌డుస్తుంద‌ని తెలంగాణ జాగృతి అధ్య‌క్షురాలు క‌ల్వ‌కుంట్ల క‌విత నిప్పులు చెరిగారు. ఒక పొలిటిక‌ల్ లీడ‌ర్‌ను క‌ర్కోట‌కుడు అనాలంటే బాధ అనిపిస్తుంది.. కానీ త‌ప్ప‌ని ప‌రిస్థితి అని క‌విత పేర్కొన్నారు. తెలంగాణ రాష్ట్ర సేన పార్టీ ప్ర‌క‌టించిన సంద‌ర్భంగా ఏర్పాటు చేసిన స‌భ‌లో క‌విత ప్ర‌సంగిస్తూ ఈ వ్యాఖ్య‌లు చేశారు.

రాష్ట్ర ముఖ్యమంత్రి రేవంత్ రెడ్డి...కర్కోటక, నియంత సీఎం. వెలుగుమట్లలో అన్ని పర్మిషన్లు ఉన్న సరే అక్కడి ప్రజల ఇళ్లను కూల్చేశారు. ఆ బాధతో ఒక గర్భిణీకి అబార్షన్ అయితే ఆమె తండ్రి రోదన కళ్ల ముందు ఇంకా మెదులుతుంది. రెండు నెలల చిన్నారిని కాళ్లతో తన్ని చంపితే ఇప్పటికీ కూడా కేసు పెట్టలేదు. గురుకులాల్లో విషం పెట్టి విద్యార్థులను చంపుతుంటే ఈ ప్రభుత్వం స్పందించటం లేదు. కర్ల రాజేష్ అనే యువకుడిని లాకప్ డెత్ చేస్తే ఇప్పటికీ కూడా చర్యలు తీసుకోలేదు. అందుకే ఈ ముఖ్యమంత్రిని కర్కోటక, నియంత ముఖ్యమంత్రి అంటున్నాను.

ఈ మూడు పార్టీల‌పై అలుపెర‌గ‌ని పోరాటం

రాష్ట్రంలో ఇప్పుడున్న మూడు పార్టీలు కుటుంబ పాలన, అవినీతి, బంధుప్రీతితో నిండిపోయాయి. రాహుల్ గాంధీని ప్రధాని చేయటం కాంగ్రెస్ అజెండా అయితే పెద్ద సార్ ఫామ్ హౌస్ లో ఉండి...చిన్న సార్ ను సీఎం చేయాలన్నది బీఆర్ఎస్ అజెండా. ఇక సామాజిక న్యాయాన్ని ఖతం పట్టించటమే బీజేపీ సింగిల్ అజెండా. ఈ మూడు పార్టీల మీద అలుపెరగని పోరాటం చేసేందుకు తెలంగాణ రాష్ట్ర సేన సిద్దంగా ఉండాలని క‌ల్వ‌కుంట్ల క‌విత పిలుపునిచ్చారు.

కర్కోటకుడైన రేవంత్ రెడ్డి పాలనలో తెలంగాణ ప్రజలు గోసపడుతున్నారు.#failedcongress #TRS #TRSparty pic.twitter.com/wOJ3K4QClc

— Kavitha Kalvakuntla (@RaoKavitha) April 25, 2026