KTR | కేసీఆర్ అసెంబ్లీకి వ‌స్తే రేవంత్ గుండె ఆగిచ‌స్తాడు: కేటీఆర్‌

నా అయ్య మొగోడు... తెలంగాణ తెచ్చిన మొనగాడు.. బరాబర్ చెప్పుకుంటా! తప్పేమున్నది? నా తండ్రిని నువ్వు తిడుతుంటే ఒక కొడుకుగా నాకు ఆవేశం రాదా? భీమవరం బుల్లోడు నీతులు చెబుతున్నాడు తెలంగాణ భవన్లో కార్యక్రమంలో రేవంత్రెడ్డిపై ధ్వజమెత్తిన కేటీఆర్ KTR | మాజీ ముఖ్యమంత్రి కేసీఆర్ (KCR) వ్యవసాయం చేసుకుంటుంటే బయటకు రావాలని పదేపదే కాంగ్రెస్ (Congress) నాయకులు కోరితే బయటకు వచ్చి, కేవలం ఒక విలేకరుల సమావేశం పెట్టి ప్రభుత్వ వైఫల్యాలు బయటపెడితే ముఖ్యమంత్రి (CM) రేవంత్రెడ్డి (Revanth Reddy)కి ముచ్చెమటలు పట్టి, చలిజ్వరం వచ్చిందని మాజీ మంత్రి, బీఆర్ఎస్ (BRS) కార్యనిర్వాహక అధ్యక్షుడు కేటీఆర్ (KTR) అన్నారు. ఇప్పుడేమో అసెంబ్లీకి రమ్మంటున్నారని.. ఒక వేళ కేసీఆర్ అసెంబ్లీకి వస్తే రేవంత్రెడ్డి గుండె ఆగి చస్తాడని విమర్శించారు. శేరిలింగంపల్లి నియోజకవర్గం ఆల్విన్ డివిజన్కు చెందిన కాంగ్రెస్ నాయకుడు అనిల్రెడ్డి బీఆర్ఎస్ పార్టీలో చేరారు. తెలంగాణ భవన్లో జరిగిన కార్యక్రమంలో వారికి కేటీఆర్ గులాబీ కండువా కప్పి పార్టీలోకి ఆహ్వానించారు. ఈ సందర్భంగా కేటీఆర్ మాట్లాడుతూ మా అయ్య మొగోడు.. తెలంగాణ తెచ్చిన మొనగాడు... మా అయ్య పేరు బరాబర్ చెప్పుకుంటానని అన్నారు. నా తండ్రిని తిడుతుంటే ఒక కొడుకుగా తనకు ఆవేశం రాదా అని ప్రశ్నించారు. రేవంత్లా ఢిల్లీకి గులాంలాగా ఉంటే ఆయన పిల్లలు కూడా చెప్పుకోరని ఎద్దేవా చేశారు. రేవంత్ రెడ్డి అసభ్యకర భాష చూస్తుంటే ఎడమకాలి చెప్పుతో కొట్టాలని ఉందని, కానీ, ఆయన కూర్చున్న 'ముఖ్యమంత్రి' కుర్చీకి ఇస్తున్న గౌరవంతో భరిస్తున్నానని చెప్పారు. రేవంత్.. నిన్ను కొడంగల్లో ఓడగొట్టి అసెంబ్లీకి రాకుండా చేసే బాధ్యత తమదేనని అన్నారు. దమ్ముంటే రాజీనామా చేయాలని అరికపూడి గాంధీకి సవాల్ శేరిలింగంపల్లి ఎమ్మెల్యే పేరు మాత్రమే గాంధీ.. కానీ చేసే పనులన్నీ గాడ్సే పనులని మండిపడ్డారు. అరికెపూడి గాంధీకి దమ్ముంటే రాజీనామా చేసి ఉప ఎన్నికకు రావాలని సవాల్ చేశారు. బీఆర్ఎస్లో ఉన్నానని చెబుతున్నప్పుడు అనిల్ రెడ్డి చేరికకు ఎందుకు రాలేదని ప్రశ్నించారు. అనిల్రెడ్డి చేరికకు శేరిలింగంపల్లి నియోజకవర్గానికి చెందిన ఒక ఫంక్షన్ హాల్ బుక్ చేస్తే, ఆ హాల్ యజమానిని బెదిరించారని మండిపడ్డారు. అమ్మా గీతమ్మా... ఆయనను కట్టేయండి.. రేవంత్ సహనం కోల్పోయి అరుస్తున్నాడని కేటీఆర్ దుయ్యబట్టారు. తనకు అనుమానం వస్తోందని, రోజు అరిచీ, అరిచీ పిచ్చి లేసి ఎవరినైనా కరిచేలా ఉన్నాడని అనుమానం వ్యక్తం చేశారు. రేవంత్ భార్య గీతమ్మ దయచేసి ఆయనను కట్టేయాలని కోరారు. ఏనుగు పోతుంటే చాలా జంతువులు అరుస్తుంటాయని, దానిని పట్టించుకోవాల్సిన అవసరం లేదని అభిప్రాయపడ్డారు. కూల్చివేతలు...పేల్చివేతలు... ఎగవేతలు... ప్రభుత్వం అధికారంలోకి వచ్చి, రెండేళ్లలో చేసిన మార్పు ఏందంటే కేవలం కూల్చివేతలు, పేల్చివేతలు, ఎగవేతలు మాత్రమే సాగుతున్నాయని మండిపడ్డారు. హైడ్రా పేరుతో పేదోళ్ల ఇళ్లను కూల్చివేస్తున్నారని దుయ్యబట్టారు. కేసీఆర్ నిర్మించిన కాళేశ్వరంలోని మేడిగడ్డ బ్యారేజ్తో పాటు చెక్డ్యామ్లను కాంగ్రెస్ వాళ్లే కూల్చివేస్తున్నారని, పేల్చివేస్తున్నారని విమర్శించారు. ఎగవేతల గురించి తాను చెప్పాల్సిన అవసరం లేదని అన్నారు. ఎనుముల రేవంత్రెడ్డి కాదని, ఎగవేతల రేవంత్రెడ్డి అని ఎద్దేవా చేశారు. కళ్యాణలక్ష్మితో పాటు తులం బంగారం, మహిళలకు రూ.రెండున్నర వేలు, పెన్షన్ల పెంపుపై సోనియా, ప్రియాంకలపై ఒట్లు వేసిన రేవంత్ వాటిని ఎగవేశాడన్నారు. ఇప్పడు తాజాగా కోటి మంది మహిళలను కోటీశ్వరులను చేస్తానని బయల్దేరాడన్నారు. అసలు కోటి మందిని కోటీశ్వరులను చేసేందుకు మన బడ్జెట్ ఎంత ఉందో అయినా తెలుసా అని ప్రశ్నించారు. సంచులు మోసి, పేమెంట్ కోటాలో అయిన ముఖ్యమంత్రి రోడ్లపై పెయింటింగ్లు వేసుకునే వ్యక్తి సీఎం అయ్యాడు. కింది స్థాయి నుంచి పై స్థాయికి ఎదగడం మంచిదేనన్నారు. కానీ లంగ పనులు చేసి, దొంగ పనులు చేసి, బ్యాగులు, సంచులు మోసి దొరికిపోయిన దొంగ రేవంత్ అని గుర్తు చేశారు. జైలుకు పోయి మళ్లీ అదేదో పెద్ద గొప్ప విషయం అన్నట్టు పోజులు కొడుతున్నడని ఎద్దేవా చేశారు. అదృష్టం మంచిగుండి, ఢిల్లీలో పైసలిచ్చి పేమెంట్ కోటాలో ముఖ్యమంత్రి అయ్యాడని ఆరోపించారు. ఆ పదవి కాపాడేందుకు ఇప్పటికీ ఢిల్లీకి పైసలు పంపిస్తున్నాడని విమర్శించారు. ఆ పదవిలో ఉన్నోడికి సంతోషం ఉండాలి, కానీ రోజూ ఈ ఏడుపు ఎందుకని ప్రశ్నించారు. హామీలపై ప్రశ్నిస్తే నోటికొచ్చిన మాటలు టీవీ ఆన్ చేస్తే తిట్ల పురాణం తప్ప ఏం లేదని అన్నారు. మహిళలు తమ రూ.రెండున్నర వేలు ఎక్కడున్నాయని ప్రశ్నిస్తే గుడ్లు పీకి గోటీలాడుతానని, వృద్ధులు తమ పెన్షన్లను వంద రోజుల్లో పెంచుతానని హామీ ఇచ్చారని, ఏమైందని అడిగితే పేగులు మెడలో వేసుకుంటానని, విద్యార్థులు ఫీజు రీయింబర్స్మెంట్పై ప్రశ్నిస్తే లాగులో తొండలు వదులుతానని నోటికొచ్చినట్లు మాట్లాడుతున్నాడని ఎద్దేవా చేశారు. శపథాలు చేస్తున్న ముఖ్యమంత్రికి సత్తా ఉంటే జనవరి 1 నుంచి మహిళలకు రెండున్నర వేలు, కళ్యాణలక్ష్మి పథకంకింద నగదుతో పాటు తులం బంగారం, పెరిగిన పెన్షన్లు ఇస్తానని శపథం చేయాలని హితవు పలికారు. చిట్టినాయుడు ఇకపై భీమవరం బుల్లోడు... తాను గుంటూరులో చదువుకుంటే రేవంత్కు ఏం నొచ్చిందని ప్రశ్నించారు. అప్పడు ఆంధ్రప్రదేశ్ కలిసొండెనని, తాను గుంటూరులో చదువుకున్నానని, హైదరాబాద్, పూణె, అమెరికాలలో సైతం చదువుకున్నానని చెప్పారు. రేవంత్లా చదువు, సంధ్య లేకుండా తిరగలేదని విమర్శించారు. తాను ఆంధ్రకు పోయి ఇంటర్ చదువుకుంటే తప్పని, కానీ వాడు మాత్రం అల్లుడిని ఆంధ్రా నుంచి తెచ్చుకోవచ్చా అని ప్రశ్నించారు. ఆయన పేరు ఇకపై చిట్టినాయుడు కాదని భీమవరం బుల్లోడని అన్నారు. భీమవరం బుల్లోడు ఇప్పుడు నీతులు చెబుతున్నాడని ఎద్దేవా చేశారు.