Maheshkumar Goud | గ్రాడ్యుయేట్ ఎమ్మెల్సీ ఎన్నిక‌లు.. కాంగ్రెస్ ఇంఛార్జ్‌ల నియామ‌కం

Maheshkumar Goud |  త్రినేత్ర న్యూస్: త్వ‌ర‌లో జ‌ర‌గ‌బోయే గ్రాడ్యుయేట్ ఎమ్మెల్సీ ఎన్నికల కోసం అసెంబ్లీల వారీగా కాంగ్రెస్ నేతలను ఇంఛార్జ్‌లను నియమించిన‌ట్లు టీపీసీసీ అధ్యక్షుడు మహేష్ కుమార్ గౌడ్ తెలిపారు. హైదరాబాద్-రంగారెడ్డి-మహబూబ్‌నగర్, వరంగల్-ఖమ్మం-నల్గొండ గ్రాడ్యుయేట్ నియోజకవర్గాల్లో పట్టభద్ర ఓటర్ల నమోదు ప్రక్రియను పర్యవేక్షించేందుకు అబ్జర్వర్లుగా కాంగ్రెస్ నేత‌ల‌ను నియమించిన‌ట్లు పేర్కొన్నారు. ఈమేర‌కు మంగ‌ళ‌వారం ఆయ‌న ఒక ప్ర‌క‌ట‌న విడుద‌ల చేశారు.

అబ్జర్వర్లు సంబంధిత జిల్లాల్లోని నాయకులు, ఇతర భాగస్వాములతో సమన్వయం చేసుకుంటూ, సంప్రదింపులు జరపాలన్నారు. పార్టీ లక్ష్యాలకు అనుగుణంగా పట్టభద్ర ఓటర్ల నమోదు ప్రక్రియ సమర్థవంతంగా జరిగేలా చూడాలని సూచించారు.