Bhadrachalam | భ‌ద్రాచ‌లం వ‌ద్ద న‌వంబ‌ర్ 7 వ‌ర‌కు గోదావ‌రి బ్రిడ్జి మూసివేత‌

Bhadrachalam | త్రినేత్ర న్యూస్ : భద్రాచలంలో గోదావరిపై నిర్మించిన నూతన హై లెవల్ బ్రిడ్జిని అక్టోబర్ 31 నుంచి నవంబర్ 7 వరకు మూసివేయ‌నున్నారు. ఎందుకంటే కొత్త బ్రిడ్జిపై లోడ్ టెస్టింగ్ నిర్వహించనున్నారు. దీంతో ఈ ఎనిమిది రోజుల పాటు కొత్త బ్రిడ్జిపై వాహనాల రాకపోకలను నిలిపివేసి, పాత బ్రిడ్జిపైకి మళ్లించనున్నారు. ద్విచ‌క్ర‌వాహ‌న‌దారుల‌తో పాటు ఇత‌ర వాహనదారులు పోలీసుల సూచనలు పాటించి ట్రాఫిక్ నియంత్రణకు సహకరించాలని భద్రాచలం ఎస్‌హెచ్‌ఓ రాజు కోరారు.

ఏప్రిల్ 2024లో ఈ బ్రిడ్జి ప్రారంభం కాగా, సార‌పాక‌ వైపు ఉన్న అప్రోచ్ రోడ్డులో కొంత భాగం ఈ ఏడాది మే 7న కుంగిపోయింది. నాణ్యత లోపించ‌డం వ‌ల్ల‌నే బ్రిడ్జి కుంగిపోయిన‌ట్లు ఆరోప‌ణ‌లు వ‌చ్చాయి. ఈ ఘటన కారణంగా, మరమ్మతులు పూర్తయ్యే వరకు ఆ వంతెనను మూసివేయాల్సి వచ్చింది.