Nannapuneni Narender Meets KCR | మా కుమారుడి పెళ్లికి రండి : కేసీఆర్‌కు ఆహ్వాన పత్రిక అందించిన నన్నపునేని నరేందర్

• ఎర్రవెల్లిలో కేసీఆర్‌తో మాజీ ఎమ్మెల్యే భేటీ
• వివాహ ఆహ్వాన పత్రికను అందజేసిన నన్నపునేని నరేందర్ దంపతులు

Nannapuneni Narender Meets KCR | త్రినేత్ర న్యూస్ : తెలంగాణ మాజీ ముఖ్యమంత్రి, బీఆర్ఎస్ పార్టీ అధినేత కల్వకుంట్ల చంద్రశేఖర రావును వరంగల్ తూర్పు మాజీ ఎమ్మెల్యే నన్నపునేని నరేందర్ ఆదివారం మర్యాదపూర్వకంగా కలిశారు. సిద్దిపేట జిల్లా ఎర్రవెల్లిలోని వ్యవసాయ క్షేత్రంలో ఉన్న కేసీఆర్ నివాసానికి వెళ్లిన నరేందర్, ఆయన సతీమణి మెహర్ వాణిలకు గులాబీ బాస్ దంపతులు ఘన స్వాగతం పలికారు.

కేసీఆర్, శోభమ్మలకు వెడ్డింగ్ ఇన్విటేషన్

త్వరలో జరగనున్న తమ కుమారుడి పెళ్లికి సంబంధించిన వివాహ ఆహ్వాన పత్రికను (Wedding Invitation) కేసీఆర్, ఆయన సతీమణి శోభమ్మ దంపతులకు నన్నపునేని నరేందర్ అందజేశారు. ఈ వేడుకకు ముఖ్య అతిథులుగా హాజరై, వధూవరులను ఆశీర్వదించాలని కోరారు.

ఆహ్వాన పత్రికను స్వీకరించిన కేసీఆర్ దంపతులు, నన్నపునేని కుటుంబానికి శుభాకాంక్షలు తెలిపారు. ఈ సందర్భంగా కొద్దిసేపు ఉమ్మడి వరంగల్ జిల్లా తాజా పరిణామాలు, సాధారణ రాజకీయ అంశాలపై కూడా వారు ఆత్మీయంగా ముచ్చటించినట్లు తెలిసింది.