Gajjela Kantham | బీఆర్ఎస్ మిలిటెంట్ పార్టీ.. నిషేధించాల్సిందే : గ‌జ్జెల కాంతం

Gajjela Kantham | త్రినేత్ర‌.న్యూస్ : బీఆర్ఎస్ పార్టీ రాజ‌కీయ పార్టీ కాదు.. మిలిటెంట్ పార్టీ అని, దాన్ని నిషేధించి ఉక్కుపాదం మోపాల‌ని కాంగ్రెస్ పార్టీ జ‌న‌ర‌ల్ సెక్ర‌ట‌రీ గ‌జ్జెల కాంతం డిమాండ్ చేశారు. గాంధీ భ‌వ‌న్‌లో గ‌జ్జెల కాంతం శ‌నివారం మీడియాతో మాట్లాడారు.

కాంగ్రెస్ ప్ర‌భుత్వాన్ని బ‌ద్నాం చేసే కార్య‌క్ర‌మంలో భాగంగా హ‌రీశ్‌రావు, కేటీఆర్ మిలిటెంట్ వ్య‌వ‌స్థ‌ను త‌యారు చేస్తున్నారు. రాష్ట్రాన్ని త‌గ‌ల‌బెట్టినా కాంగ్రెస్ చూసుకుంటూ కూర్చుంట‌ద‌ని అనుకుంటున్నారు. సుమ‌న్, ఆర్ఎస్ ప్ర‌వీణ్ కుమార్ మాట్లాడే ముందు బాగా ఆలోచ‌న చేసి మాట్లాడండి. ఆర్ఎస్పీ గురించి తెలంగాణ ప్ర‌జ‌ల‌కు మొత్తం తెలుసు. మిమ్మ‌ల్ని ప్ర‌జ‌లు న‌మ్మే ప‌రిస్థితిలో లేరు. అణ‌గారిన కులాల‌ను ఆర్ఎస్పీ మోసం చేసి బీఆర్ఎస్ పార్టీలో చేరారు అని కాంతం ధ్వ‌జ‌మెత్తారు.

అరెస్టు చేయించిన‌ చ‌రిత్ర కేసీఆర్‌ది

బాల్క సుమ‌న్ యూనివ‌ర్సిటీలో చ‌దువుకుంటూ కేసీఆర్ ఇంట్లో పెద్ద పాలేరు ప‌ని చేశారు. కేసీఆర్, కేటీఆర్, హ‌రీశ్‌రావు రాష్ట్రంలో విధ్వంసం సృష్టించాల‌ని చూస్తున్నారు. వ‌రంగ‌ల్, క‌రీంన‌గ‌ర్‌లో విధ్వంసాలు సృష్టించాల‌ని కేటీఆర్ స్వ‌యంగా బీఆర్ఎస్ కేడ‌ర్‌కు సూచిస్తున్నారు. రాష్ట్రం ప్రశాంతంగా ఉండ‌కుండా చేస్తున్నారు. మీరు మీ ప్ర‌భుత్వ హ‌యాంలో చేసిన విధ్వంసం ప్ర‌జ‌లంద‌రికీ తెలుసు. తెలంగాణ ఉద్య‌మ‌కారుల‌పై అక్ర‌మ కేసులు పెట్టి, అరెస్టు చేయించిన‌ చ‌రిత్ర కేసీఆర్‌ది అని మండిప‌డ్డారు.

మీ గెస్టు హౌజ్‌లు, ఫామ్ హౌజ్‌లు, మీ ఇండ్ల‌ను ముట్ట‌డిస్తాం..

కాంగ్రెస్ అధికారంలోకి రాగానే తెలంగాణ ప్ర‌జ‌ల‌కు స్వేచ్ఛ ల‌భించింది. నిర‌స‌న చేసే హ‌క్కు క‌ల్పించారు సీఎం రేవంత్. ధ‌ర్నాలు, రాస్తారోకోలు చేస్తే కేసులు పెట్టొద్ద‌ని సీఎం రేవంత్ చెప్పారు. బీఆర్ఎస్ నేత‌లు ఇష్ట‌మొచ్చిన‌ట్లు మాట్లాడితే ప్ర‌భుత్వం చేతులు క‌ట్టుకుని కూర్చుంట‌దా.. ఏం త‌మాషాగా ఉందా..? బీఆర్ఎస్ పార్టీ కాదు మీది మిలిటెంట్ పార్టీ. పార్టీ ముసుగులో మిలిటెంట్ల‌ను త‌యారు చేస్తున్నారు కేటీఆర్, హ‌రీశ్‌రావు. కేంద్రం కూడా స్పందించాలి. అమిత్ షా బీఆర్ఎస్ పార్టీ మీద దృష్టి పెట్టాలి. బీఆర్ఎస్ పార్టీని నిషేధించి ఉక్కుపాదం మోపాల్సిన అవ‌స‌రం ఉంది. అది పొలిటిక‌ల్ పార్టీ కాదు.. మిలిటెంట్ల‌ను త‌యారు చేస్తున్నామ‌ని ఓపెన్‌గా చెబుతున్నారు. ప్ర‌భుత్వ ఆస్తుల‌ను విధ్వంసం చేస్తే మీ గెస్టు హౌజ్‌లు, ఫామ్ హౌజ్‌లు, మీ ఇండ్ల‌ను ముట్ట‌డిస్తాం. తెలంగాణ రాష్ట్రం నుంచి మిమ్మ‌ల్ని త‌రిమేసే రోజులు ద‌గ్గ‌ర‌కు వ‌స్తున్నాయి అని గ‌జ్జెల కాంతం అన్నారు.