ATA | ఆటా తెలుగు మ‌హాస‌భ‌ల‌కు రండి.. కేటీఆర్‌కు ఆహ్వానం

త్రినేత్ర‌.న్యూస్‌: అమెరికన్ తెలుగు అసోసియేషన్ (ATA) తెలుగు మ‌హాస‌భ‌ల‌కు హాజ‌రుకావాల‌ని బీఆర్ఎస్ వ‌ర్కింగ్ ప్రెసిడెంట్ కేటీఆర్‌ (KTR)ను ఆహ్వానించిన‌ట్లు ఆటా అధ్య‌క్షుడు జ‌యంత్ చ‌ల్లా తెలిపారు. ఈ మేర‌కు కేటీఆర్‌ను శ‌నివారం క‌లిసిన‌ట్లు చెప్పారు. జూలై 31, ఆగ‌స్టు 1, 2 తేదీల్లో ఆటా తెలుగు మ‌హాస‌భ‌ల‌ను నిర్వ‌హించ‌నున్న‌ట్లు పేర్కొన్నారు. ఈ సంద‌ర్భంగా అమెరికాలోని భార‌తీయుల ప‌రిస్థితులు, రాజ‌కీయాల‌పై చ‌ర్చించామ‌న్నారు.

అమెరికా మేరీల్యాండ్‌లో నిర్వహించనున్న 19వ అమెరికన్ తెలుగు అసోసియేషన్ (ATA) తెలుగు మహాసభల‌ సందర్భంగా చేపట్టే కార్యక్రమాలను కేటీఆర్ కు వివరించారు. ఈ మహా సభలకు హాజరయ్యేందుకు కేటీఆర్ సానుకూలంగా స్పందించిన‌ట్లు జయంత్ చల్లా, ఆటా కాన్ఫరెన్స్ నేషనల్ కోఆర్డినేటర్ శరత్ వేముల చెప్పారు. జ‌యంత్ చ‌ల్లా, శ‌ర‌త్ వేముల‌, కాన్ఫరెన్స్ కోఆర్డినేటర్ తిరుమల రెడ్డి, ఈశ్వర్ రెడ్డి బండా కేటీఆర్‌ను క‌లిసిన వారిలో ఉన్నారు.