BRS | ఆదిలాబాద్‌లో కాంగ్రెస్‌కు ఎదురుదెబ్బ‌.. బీఆర్ఎస్‌లో చేరిన ఎన్ఎస్‌యూఐ రాష్ట్ర మాజీ అధ్య‌క్షుడు భార్గ‌వ్ దేశ్‌పాండే

BRS | త్రినేత్ర న్యూస్‌: అధికార కాంగ్రెస్‌పై (Congress) ప్ర‌జ‌ల్లో నానాటికి వ్య‌తిరేక‌త అధిక‌మ‌వుతున్న‌ది. దీంతో ఆ పార్టీకి చెందిన నాయ‌కులు, కార్య‌క‌ర్తలు బీఆర్‌ఎస్‌లో (BRS) చేరేందుకు క్యూక‌డుతున్నారు. ప్రజల పక్షాన బీఆర్‌ఎస్‌ పోరాడుతున్న తీరును స్వచ్ఛందంగా గూలాబీ గూటికి చేరుకుంటున్నారు. ఇందులో భాగంగా ఆదిలాబాద్ జిల్లాకు చెందిన సీనియర్ కాంగ్రెస్ నాయకుడు, ఎన్ఎస్‌యూఐ రాష్ట్ర‌ మాజీ అధ్య‌క్షుడు భార్గవ్ దేశ్‌పాండే (Bhargav Deshpande) బీఆర్ఎస్ వ‌ర్కింగ్ ప్రెసిడెంట్ కేటీఆర్ (KTR) స‌మ‌క్షంలో పార్టీలో చేరారు. ఆదివారం హైదరాబాద్‌లోని కేటీఆర్ నివాసంలో జరిగిన కార్యక్రమంలో గులాబీ కండువా క‌ప్పి పార్టీలోకి సాదరంగా ఆహ్వానించారు.

ఈ కార్యక్రమంలో మాజీ మంత్రి, ఎమ్మెల్యే వేముల ప్రశాంత్ రెడ్డి, మాజీ మంత్రి జోగు రామన్న, ఎమ్మెల్సీ పోచంపల్లి శ్రీనివాస్ రెడ్డి, ఎమ్మెల్యేలు కోవ లక్ష్మి, అనిల్ జాదవ్, మాజీ ఎమ్మెల్యే బాల్క సుమన్, ఖానాపూర్ నియోజకవర్గ ఇన్‌ఛార్జి జాన్సన్ నాయక్ తదితరులు పాల్గొన్నారు.