CM Revanth Reddy | ఏబీఎన్ నూతన కార్యాలయాన్ని సందర్శించిన సీఎం రేవంత్ రెడ్డి

CM Revanth Reddy | త్రినేత్ర న్యూస్ : ఇటీవల ఆధునిక హంగులతో ప్రారంభమైన ఏబీఎన్-ఆంధ్రజ్యోతి( ABN Andhrajyothi ) నూతన ప్రధాన కార్యాలయాన్ని తెలంగాణ ముఖ్యమంత్రి రేవంత్ రెడ్డి( CM Revanth Reddy ) సందర్శించారు. పత్రిక, టెలివిజన్ ఛానల్ విభాగాలను ఒకే వేదికపైకి తీసుకొస్తూ నిర్మించిన ఈ నూతన మీడియా సముదాయానికి చేరుకున్న సీఎంకు సంస్థ ఛైర్మన్ వేమూరి రాధాకృష్ణ, యాజమాన్య ప్రతినిధులు సాదర స్వాగతం పలికారు.

ఈ సందర్భంగా నూతన న్యూస్‌రూమ్‌తో పాటు అత్యాధునిక సాంకేతిక పరిజ్ఞానంతో రూపొందించిన స్టూడియో విభాగాలను ముఖ్యమంత్రి పరిశీలించారు. కార్యాలయంలోని సదుపాయాలు, ఆధునిక ఏర్పాట్లను అడిగి తెలుసుకున్నారు. నూతన కార్యాలయాన్ని ఏర్పాటు చేసిన ఏబీఎన్-ఆంధ్రజ్యోతి యాజమాన్యాన్ని సీఎం అభినందించారు. ఈ సందర్భంగా యాజమాన్య ప్రతినిధులతో కొద్దిసేపు ఆత్మీయంగా ముచ్చటించారు.