KTR | నా పేరును ఎక్క‌డా వాడొద్దు.. అభిమానుల‌కు కేటీఆర్ విజ్ఞ‌ప్తి

నా పేరుతో సంస్థ‌లు పెట్టొద్దు..
బీఆర్ఎస్ పార్టీలోనే ప‌ని చేయాలి..

KTR | త్రినేత్ర‌.న్యూస్ : తన పేరుతో ఎలాంటి సంస్థను కూడా ఏర్పాటు చేసేందుకు అనుమతి లేదని బీఆర్ఎస్ వర్కింగ్ ప్రెసిడెంట్ కేటీఆర్ స్ప‌ష్టం చేశారు. కొంతమంది 'కేటీఆర్ సేవా సమితి', కేటీఆర్ సేన పేరుతో కొన్ని కార్యకలాపాలు చేపడుతున్న విషయాన్ని కేటీఆర్ దృష్టికి పలువురు తీసుకొచ్చారు. దీంతోపాటు కేటీఆర్ పేరుతో ఇతర సంస్థలను ఏర్పాటు చేసుకున్న అంశాన్ని కూడా కేటీఆర్‌కి తెలియజేశారు.

ఈ నేపథ్యంలో తన పేరుతో ఎలాంటి సంస్థలకు అనుమతి లేదని.. అలాంటి ప్రయత్నాలను ఎట్టి పరిస్థితుల్లోనూ ప్రోత్సహించబోమని కేటీఆర్ స్ప‌ష్టం చేశారు. ఇలాంటి సంస్థలకు ఎటువంటి గుర్తింపు, అనుమతి లేదన్న విషయాన్ని అందరూ గుర్తించాలని కేటీఆర్ సూచించారు.

ఎవరైనా పనిచేయాలనుకుంటే ఖచ్చితంగా బీఆర్ఎస్ పరిధిలోనే పనిచేయాల్సి ఉంటుందని కేటీఆర్ స్పష్టం చేశారు. తన పేరుతో పలు సంస్థల ద్వారా చేస్తున్న కార్యక్రమాలను ఆపేయాలని.. తనపై అభిమానం ఉన్నవాళ్లు ఎవరైనా బీఆర్ఎస్‌తో కలిసి పనిచేయవచ్చని కేటీఆర్ విజ్ఞప్తి చేశారు.