Soma Bharat Kumar | హ‌రీశ్‌రావుకు ఎలాంటి షోకాజ్ నోటీసు ఇవ్వ‌లేదు

ఫేక్ షోకాజ్ నోటీసు కాంగ్రెస్ సృష్టే
ఈ నోటీసుపై పోలీసుల‌కు ఫిర్యాదు చేస్తా
నీచ‌మైన పనికి పాల్ప‌డ్డ వారిని శిక్షించాల్సిందే
బీఆర్ఎస్ ప్ర‌ధాన కార్య‌ద‌ర్శి సోమ భ‌ర‌త్

Soma Bharat Kumar | త్రినేత్ర న్యూస్ : కాంగ్రెస్( Congress ) చెత్త పనులకు ప్రజలు నిలదీస్తుంటే సమాధానం చెప్పుకోలేక పోతుంది అని బీఆర్ఎస్ ప్ర‌ధాన కార్య‌ద‌ర్శి సోమ భ‌ర‌త్ కుమార్( Soma Bharat Kumar ) పేర్కొన్నారు. ప్రజలకు సమాధానం చెప్పకుండా ఫేక్ ప్రచారం చేస్తున్నారు అని మండిప‌డ్డారు. తెలంగాణ భ‌వ‌న్‌లో సోమ భ‌ర‌త్ కుమార్ బుధ‌వారం మీడియాతో మాట్లాడారు.

నా పేరుపై ఒక ఫేక్ షోకాజ్ నోటీసు కాంగ్రెస్ సృష్టించింది. హరీష్ రావుకు నేను షోకాజ్ నోటీసు ఇచ్చినట్లు ఫేక్ షోకాజ్ నోటీసు సర్క్యులేట్ అవుతుంది. హరీష్ రావుకు ఎటువంటి షోకాజ్ నోటీసు ఇవ్వలేదు. ఫేక్ షోకాజ్ నోటీసుపై క్రిమిన‌ల్ ఫిర్యాదు చేస్తాం. నీచమైన పనికి పాల్పడ్డ వారిని శిక్షించాల్సిందే. పోలీసులు నిష్పక్షపాతంగా విచారణ చేస్తారని నమ్ముతున్నామని ఆయ‌న పేర్కొన్నారు.

జాతీయ పార్టీ అయిన కాంగ్రెస్ నీచానికి పాల్పడుతోంది. కాంగ్రెస్ దొంగ ప్రచారాన్ని ప్రజలు ఎవరు నమ్మరు. బీఆర్ఎస్ సిస్టమాటిక్‌గా సమాజంలో ఉంది. క్రైమ్ జరిగినప్పుడు ఫిర్యాదు చేస్తే చర్యలు తీసుకోవాలి. లేదంటే రాజ్యాంగ బద్దమైన కోర్టుల్లో న్యాయ పోరాటం చేస్తాం. కాంగ్రెస్ సోషల్ మీడియా అకౌంట్ నుంచి ఫేక్ షోకాజ్ నోటీసు వ‌చ్చింది. అధికారంలో ఉండి ఫోర్జ‌రీ సంతకంతో ఫేక్ షోకాజ్ నోటీసు సృష్టించడానికి సిగ్గు లేదా అని సోమ భ‌ర‌త్ మండిప‌డ్డారు.