BRAOU MBA Admission 2026 | అంబేద్కర్‌ ఓపెన్ వర్సిటీలో ఎంబీఏ చేయాలనుకుంటున్నారా? దరఖాస్తుకు మరో రెండు రోజులే గడువు!

• డా.బి.ఆర్.అంబేద్కర్ ఓపెన్ యూనివర్సిటీలో జనరల్ M.B.A తో పాటు హాస్పిటల్ & హెల్త్ కేర్ మేనేజ్‌మెంట్ కోర్సుల ప్రవేశ పరీక్షకు ఆగస్టు 5 లాస్ట్ డేట్
• తెలంగాణ ఐసెట్ (TS ICET) లేదా వర్సిటీ నిర్వహించే బ్రావుసెట్ (BRAOUCET) ద్వారా ఈ కోర్సుల్లో ప్రవేశాలు 
• ఈ ఎంట్రన్స్ రాయడానికి డిగ్రీలో 50% మార్కులు (ఎస్సీ, ఎస్టీలకు 45%) సాధించి ఉండటం తప్పనిసరి
• ఇందులో అర్హత సాధించిన వారు అపోలో (Apollo), కిమ్స్ (KIMS) వంటి ప్రముఖ ఆసుపత్రుల్లో హెల్త్‌కేర్ అడ్మిషన్లు పొందే అవకాశం

BRAOU MBA Admission 2026 | త్రినేత్ర.న్యూస్ : మేనేజ్‌మెంట్ రంగంలో.. ముఖ్యంగా హెల్త్‌కేర్ సెక్టార్‌లో స్థిరపడాలనుకునే విద్యార్థులకు డా. బి.ఆర్. అంబేద్కర్ సార్వత్రిక విశ్వవిద్యాలయం (BRAOU) ఒక మంచి అవకాశం కల్పిస్తోంది. వర్సిటీ అందిస్తున్న M.B.A (జనరల్), M.B.A హాస్పిటల్ అండ్ హెల్త్ కేర్ మేనేజ్‌మెంట్ కోర్సుల్లో ప్రవేశ పరీక్ష (Entrance Test) కోసం దరఖాస్తు చేసుకోవడానికి ఆగస్టు 5వ తేదీతో గడువు ముగియనుందని ఓపెన్ వర్సిటీ విద్యార్థి సేవల విభాగం డైరెక్టర్ డా. వై. వెంకటేశ్వర్లు సోమవారం ఆగస్టు 3న ఒక ప్రకటనలో వెల్లడించారు.

అడ్మిషన్ ఎవరికి వస్తుందంటే..

అంబేద్కర్ ఓపెన్ యూనివర్సిటీలో ఈ ఎంబీఏ కోర్సుల్లో చేరాలంటే తెలంగాణ ఐసెట్ (TS ICET) లో గానీ, లేదా యూనివర్సిటీ ప్రత్యేకంగా నిర్వహించే ఎంట్రన్స్ పరీక్షలో (BRAOUCET) గానీ తప్పనిసరిగా క్వాలిఫై అయి ఉండాలి. జనరల్ ఎంబీఏలో చేరాలన్నా కూడా ఈ ప్రవేశ పరీక్ష రాయాల్సిందే.

ఎవరు అర్హులు?

ఈ ఎంట్రన్స్ ఎగ్జామ్‌కు అప్లై చేసుకోవాలంటే అభ్యర్థులు డిగ్రీలో (Degree) కనీసం 50 శాతం మార్కులతో ఉత్తీర్ణులై ఉండాలి. అలాగే రిజర్వేషన్ వర్తించే ఎస్సీ (SC), ఎస్టీ (ST) కేటగిరీల విద్యార్థులకు 45 శాతం మార్కులు ఉంటే సరిపోతుందని అధికారులు స్పష్టం చేశారు.

ప్రముఖ ఆసుపత్రుల్లో అవకాశాలు..

ఈ ఎంట్రన్స్ పరీక్ష రాసి అర్హత సాధించిన విద్యార్థులకు అద్భుతమైన అవకాశాలు లభిస్తాయి. ప్రముఖ ఆసుపత్రులైన అపోలో (Appolo Hospital), కిమ్స్ (KIMS), డెక్కన్ మెడికల్ కాలేజ్, ఆర్‌వీఎం (RVM) హాస్పిటల్, రెనోవో (Renovo) హాస్పిటల్స్‌లోని హెల్త్ కేర్ మేనేజ్‌మెంట్ కోర్సుల్లో అడ్మిషన్ (Admission) పొందే సదుపాయం ఉంటుంది.

పూర్తి వివరాల కోసం..

దరఖాస్తు విధానం, ఫీజులు, ఇతర పూర్తి వివరాల కోసం విద్యార్థులు వర్సిటీ అధికారిక వెబ్‌సైట్ www.braouonline.in ను సందర్శించవచ్చని అధికారులు సూచించారు. ఏవైనా సందేహాలు ఉంటే 040-23680333 / 555 ఫోన్ నంబర్లలో కాల్ చేసి నివృత్తి చేసుకోవచ్చు.