లోడ్ అవుతోంది...
Ganesh sunkari
Telangana | Jan 14, 2026, 7.09 am IST
త్రినేత్ర.న్యూస్: రాష్ట్రంలో సంక్రాంతి (Sankranti) సందడి మొదలైంది. మూడు రోజులపాటు జరిగే ఈ వేడులకల్లో భాగంగా మొదటి రోజు భోగి పండుగను (Bhogi Festival) ఘనంగా జరుపుకుంటున్నారు. బుధవారం వేకువజామునే ఊరూరా ప్రజలు భోగి మంటలు (Bhogi Mantalu) వేశారు. ఇండ్లలో ఉన్న పాత వస్తువులను మంటల్లో వేసి.. చిన్నా, పెద్ద అంతా కలిసి వాటి చుట్టూ తిరుగుతూ ఆడిపాడారు. ఆడపడుచులు వాకిళ్లలో రంగురంగుల ముగ్గులలేసి గొబ్బెమ్మలు పెట్టడంతో ప్రతి లోగిలి చూడముచ్చటగా కనిపిస్తున్నది. హరిదాసుల పాటలు, గంగిరెద్దుల ఆటలతో గ్రామాలు, కాలనీల్లో కోలాహలం నెలకొన్నది. ఇక సంక్రాంతి వ్యసాయ ఆధారిత పండుగ కావడంతో అన్నదాతలు కాడెద్దులు, వ్యవసాయ పనిముట్లకు పూజలు చేస్తున్నారు. అమ్మనాన్నమ్మలు తమ మనుమలు, మనుమరాళ్లకు భోగిపండ్లు వేసి స్నానాలు చేయిస్తూ మురిసిపోతున్నారు.
భోగి అంటే భోగించడం, అనుభవించడం అని అర్థం. ఈ జీవితానికి ఇది చాలు అని అనిపించేలా మనకు ఏది ఆనందాన్ని అందిస్తుందో దానినే భోగం అంటారు. ఇలాంటి గొప్ప ఆనందాలు సొంతమవ్వాలని, అసంతృప్తి తొలగిపోవాలని, చెడు దృష్టి, నరదృష్టి తొలగిపోవాలని పాత వస్తువులను భోగి మంటల్లో వేసి నూతన క్రాంతికి ఆహ్వానం పలకడమే భోగి పరమార్ధం.
భగ్ అనే సంస్కృత పదం నుంచి 'భోగి' అనే పదం వచ్చిందని పురాణాలు చెబుతున్నాయి. భోగం అంటే పవిత్రమైనదని అర్ధం. పురాణాల ప్రకారం.. శ్రీరంగనాధ స్వామిలో, గోదా దేవి లీనమై భోగాన్ని పొందింది. ఇదే రోజున వస్తువు వామనావతరంలో ఐడిని పాఠానికి అణచివేశారు. గోకులంలో శ్రీకృష్ణుడు గోవర్ధన పర్వతాన్ని ఎత్తి గోవులను గోపాలకులను రక్షించారని చెబుతారు. వీటన్నింటికి ప్రతీకగా భోగి పండుగ జరుపుకోవడం సంప్రదాయంగా మారింది.
జనవరి 14, 2026
జనవరి 12, 2026
జనవరి 11, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam