Pavan Kalyan | కాంగ్రెస్ వ‌చ్చాకే తెలంగాణ‌లో ప్రాంతీయ విద్వేషాలు : ప‌వ‌న్ క‌ళ్యాణ్‌

Pavan Kalyan | త్రినేత్ర‌.న్యూస్ : తెలంగాణలో కాంగ్రెస్‌ వచ్చాకే తెలంగాణలో ప్రాంతీయ విద్వేషాలు మొదలయ్యాయని ఆంధ్ర‌ప్ర‌దేశ్ డిప్యూటీ సీఎం ప‌వ‌న్ క‌ళ్యాణ్ పేర్కొన్నారు. తెలంగాణలోకి రావద్దనడం నా ప్రాథమిక హక్కుకి భంగం కలిగించడమే అని ఆయ‌న అన్నారు. తెలంగాణ ఆవిర్భావం రోజు హైద‌రాబాద్‌లో స‌భ పెట్టుకుంటే కాంగ్రెస్ ప్రభుత్వం అనుమతించలేదు. పదేళ్లలో బీఆర్ఎస్‌ నాయకులు అలా ఎప్పడు మాట్లాడలేదని గుర్తు చేశారు. 13 నెలలుగా నన్ను పర్సనల్‌గా టార్గెట్ చేస్తున్నారు.. మీ అయ్య జాగీరా అనొద్దా? అని ప‌వ‌న్ క‌ళ్యాణ్ ప్ర‌శ్నించారు.

నేను హైదరాబాద్‌కు రావొద్దని కొందరు నేతలు అన్నారు. అలా అయితే రాహుల్ గాంధీకి దక్షిణ భారతదేశంతో సంబంధం లేదని చెప్పాల్సి ఉంటుంది. ఉత్తర భారతదేశం, దక్షిణ భారతదేశం అనే భావన సరికాదు.. ఇది దేశానికి మంచిది కాదు. సీఎం హోదాలో ఉండి ఉత్తర, దక్షిణ ప్రాంతాలు అని మాట్లాడకూడదు అని ప‌వ‌న్ క‌ళ్యాణ్ సూచించారు.