ACB Raids | భూపాల‌ప‌ల్లి డీఆర్‌డీఏలో ఏసీబీ దాడులు.. ప్రాజెక్టు అధికారి స‌తీష్ రెడ్డి అరెస్ట్

ACB Raids | త్రినేత్ర న్యూస్ : జయశంకర్ భూపాలపల్లి జిల్లా కేంద్రంలోని డీఆర్‌డీఏ కార్యాలయంలో గురువారం మధ్యాహ్నం ఏసీబీ అధికారులు ఆకస్మిక తనిఖీలు చేపట్టారు. పీఎం కృషి సించాయ్ యోజన పనులకు సంబంధించిన నిధుల బదిలీలో అవకతవకలు జరిగాయన్న ఆరోపణలపై విచారణ ప్రారంభించారు.

లంచం డిమాండ్ చేశారన్న ఫిర్యాదుతో ప్రాజెక్టు అధికారి సతీష్‌రెడ్డితో పాటు టెక్నికల్ అధికారి రాజును అదుపులోకి తీసుకుని విచారించారు. రూ.1.62 కోట్ల విలువైన పనులకు సంబంధించిన ఆర్థిక లావాదేవీలపైనా దర్యాప్తు చేప‌ట్టారు. జిల్లాలో ప్రభుత్వ కార్యాలయంలో ఏసీబీ తనిఖీలు జరగడం ఇదే తొలిసారి కావ‌డంతో.. చ‌ర్చానీయాంశంగా మారింది.