Junior Civil Courts | రాష్ట్రంలో కొత్త‌గా 200 జూనియ‌ర్ సివిల్ కోర్టులు

Junior Civil Courts | త్రినేత్ర న్యూస్‌: రాష్ట్రంలో కొత్త‌గా 200 జూనియ‌ర్ సివిల్ కోర్టులు (Junior Civil Courts) ఏర్పాటు కానున్నాయి. కింది కోర్టుల్లో భారీగా పెండింగ్‌ కేసులు పేరుకుపోవ‌డంతో న్యాయ మూర్తుల‌పై ఒత్తిడి త‌గ్గించేందుకు ప్ర‌భుత్వం నిర్ణ‌యం తీసుకున్న‌ది. ఇందులో భాగంగా కొత్త‌గా 200 అద‌న‌పు జ్యుడీషియల్ ఫస్ట్ క్లాస్ మెజిస్ట్రేట్ కోర్టులను (First class Magistrate) ఏర్పాటు చేయాల‌ని ప్ర‌భుత్వం నిర్ణ‌యించింది. రాష్ట్ర వ్యాప్తంగా 594 కొత్త‌ కోర్టులను మంజూరు చేయాలని హైకోర్టు రిజిస్ట్రీ ప్రతిపాదన‌లు పంపింది. పరిశీలించిన ప్రభుత్వం, తొలి విడతగా 200 కోర్టులను మంజూరు చేసింది. ఈ మేరకు న్యాయశాఖ కార్యదర్శి బీ.పాపిరెడ్డి ఉత్తర్వులు జారీ చేశారు. క్ష‌క్షిదారుల‌కు కోర్టుల‌ను మ‌రింత‌గా చేరువ చేయ‌డం, ప్ర‌స్తుతం ఉన్న న్యాయ‌మూర్తుల‌పై ప‌ని భారాన్ని త‌గ్గించ‌డ‌మే ముఖ్య ఉద్దేశ‌మ‌ని అందులో పేర్కొన్నారు.

కేసులు ఎక్కువ సంఖ్యలో పెండింగ్​లో ఉంటున్న పట్టణ ప్రాంతాల్లోనే కొత్త కోర్టులను ఎక్కువ‌గా కేటాయించారు. హైద‌రాబాద్ (Hyderabad) మెట్రోపాలిట‌న్ ప‌రిధిలోనే 71 కోర్టులు ఏర్పాటు కానున్నాయి. ఇందులో అత్యధికంగా రంగారెడ్డి (Rangareddy) జిల్లా కోర్టు పరిధిలో రాజేంద్రనగర్, ఎల్బీనగర్, కూకట్​పల్లి, హయత్​నగర్, చేవెళ్ల, షాద్​నగర్, ఆమనగళ్లు, ఇబ్రహీంపట్నం ప్రాంతాల్లో 30, మేడ్చల్ జిల్లాలో 25 , హైద‌రాబాద్ జిల్లాలో 16 చొప్పున ఉన్నాయి. ఇక‌ నల్గొండ జిల్లాలో 10, సంగారెడ్డి, ఖ‌మ్మం జిల్లాలో 8 కోర్టులు కేటాయింపు జరిగింది.