Lungi Ngidi | లుంగి ఎంగిడీకి త‌ల‌కు తీవ్ర‌గాయం.. స్టేడియంలోకి వ‌చ్చిన అంబులెన్స్‌

Lungi Ngidi | ఇండియ‌న్ ప్రీమియ‌ర్‌లో భాగంగా ఢిల్లీ క్యాపిట‌ల్స్‌, పంజాబ్ కింగ్స్ మ‌ధ్య జ‌రుగుతున్న మ్యాచ్‌లో ఘోర ఘ‌ట‌న చోటు చేసుకున్న‌ది. ఫీల్డింగ్ చేస్తూ ద‌క్షిణాఫ్రికా పేస‌ర్ లుంగీ ఎంగిడీ తీవ్రంగా గాయ‌ప‌డ్డాడు. బంతిని అందుకునే ప్ర‌య‌త్నంలో వెన‌క్కి ప‌రుగెత్తిన ఈ బౌల‌ర్ బ్యాలెన్స్ కోల్పోయి ప‌డిపోవ‌డంతో త‌ల‌కు బ‌లమైన దెబ్బ త‌గిలింది. పంజాబ్ కింగ్స్ ఇన్నింగ్స్ మూడో ఓవ‌ర్ స‌మ‌యంలో ఈ ఘ‌ట‌న జ‌రిగింది. ప్రియాంశ్ ఆర్యా ఆడిన భారీ షాట్‌కు ప్ర‌య‌త్నించ‌గా బంతి గాల్లోకి ఎగిరింది. క్యాచ్ అందుకునేందుకు ప్ర‌య‌త్నించిన ఎంగిడీ పూర్తిగా నియంత్ర‌ణ కోల్పోయి ప‌డిపోయాడు.

దాంతో త‌ల‌కు తీవ్ర‌మైన గాయ‌మైంది. కొద్దిసేపు ఆయన మైదానంలోనే కదలకుండా ప‌డిపోయాడు. ఢిల్లీ క్యాపిటల్స్ వైద్య సిబ్బంది వెంటనే చేరుకుని పరిస్థితిని పరిశీలించారు. కొంత ఆందోళన మధ్యలోనే ఆయన వైద్యుల ప్రశ్నలకు స్పందించినా.. లేవ‌లేక‌పోయాడు. ఈ ఘటనతో మ్యాచ్ కొద్దిసేపు నిలిచిపోయింది. మైదానంలో ఉన్న ఆటగాళ్లు, ప్రేక్షకులు తీవ్ర ఆందోళనకు గురయ్యారు. అరుణ్ జైట్లీ స్టేడియంలో ఒక్కసారిగా నిశ్శబ్దం అలుముకుంది. తర్వాత లుంగి ఎన్‌గిడిని స్ట్రెచర్‌పై తీసుకెళ్లి అంబులెన్స్‌లో ఆసుపత్రికి తరలించారు. ఆయన స్థానంలో దుష్మంత చమీరాను కంక‌ష‌న్ స‌బ్‌స్టిట్యూట్‌గా జ‌ట్టులోకి తీసుకున్నారు.

Lung Ngidi seriously Injured #DCvsPBKS pic.twitter.com/KIyVVcJSjF

— Aditya SRKian 🚩 (@AdityaRaut85685) April 25, 2026