IND Vs SA | భార‌త్‌తో మ్యాచ్‌.. టాస్ గెలిచి బ్యాటింగ్ ఎంచుకున్న ద‌క్షిణాఫ్రికా..

IND Vs SA | టీ20 ప్ర‌పంచ‌క‌ప్‌లో భాగంగా భార‌త్‌-ద‌క్షిణాఫ్రికా మ‌ధ్య మ‌రికొద్దిసేప‌ట్లో మ్యాచ్ ప్రారంభంకానున్న‌ది. అహ్మ‌దాబాద్‌లోని న‌రేంద్ర మోదీ స్టేడియంలో జ‌రుగనున్న సూప‌ర్ ఎయిట్ మ్యాచ్‌లో ద‌క్షిణాఫ్రికా కెప్టెన్ ఐడెన్ మార్క్రామ్ టాస్ గెలిచి బ్యాటింగ్ ఎంచుకున్నాడు. టీ మ్యాచ్‌లో టీమిండియా ఎలాంటి మార్పులు లేకుండానే బ‌రిలోకి దిగ‌నున్న‌ది. వ‌రుస‌గా మూడుసార్లు డ‌కౌట్‌గా వెనుదిరిగిన అభిషేక్ శ‌ర్మ‌పై టీమ్ మేనేజ్‌మెంట్ న‌మ్మ‌కం ఉంచింది. అయితే, ఆల్‌రౌండ‌ర్ అక్ష‌ర్ ప‌టేల్‌ని తుది జ‌ట్టులోకి తీసుకుంటార‌ని భావించినా.. చివ‌ర‌కు సుంద‌ర్ వైపే మొగ్గు చూపింది. మ్యాచ్ ప్రారంభానికి ముందు టీమిండియా మాజీ కెప్టెన్ సునీల్ గ‌వాస్క‌ర్‌, గూగుల్ సీఈవో సుంద‌ర్ పిచై మైదానంలోకి ట్రోఫీని తీసుకువ‌చ్చారు.

టీమిండియా జ‌ట్టు : అభిషేక్ శర్మ, ఇషాన్ కిషన్ (వికెట్ కీప‌ర్‌), తిలక్ వర్మ, సూర్యకుమార్ యాదవ్ (కెప్టెన్‌), హార్దిక్ డ్యా, శివమ్ దూబే, రింకు సింగ్, వాషింగ్టన్ సుందర్, అర్ష్‌దీప్ సింగ్‌, జ‌స్‌ప్రీత్ బుమ్రా, వరుణ్ చక్రవర్తి.

దక్షిణాఫ్రికా జ‌ట్టు : ఐడెన్ మార్క్రామ్ (కెప్టెన్‌), క్వింటన్ డి కాక్ (వికెట్ కీప‌ర్‌), ర్యాన్ రికెల్టన్, డెవాల్డ్ బ్రూయిస్, డేవిడ్ మిల్లర్, ట్రిస్టన్ స్టబ్స్, మార్కో జాన్సెన్, కార్బిన్ బాష్, కేశవ్ మహరాజ్, కగిసో రబడ, లుంగి ఎన్గిడి.